Il-Kor Nativitas mistieden janima n-Novena tas-Solennita tal-Kuncizzjoni

Il-W.R. Gwardjan Patri George Attard OFM Konv. u l-komunita’ tal-Patrijiet Frangiskani Konventwali tal-Belt Victoria stiednu lill-Kor Nativitas sabiex janima bil-kant l-ewwel sitt ijiem tan-Novena adunur it-Tnissil bla tebgha tal-Vergni Marija – liema festa tigi ccelebrata b’solennita’ kbira fil-Knisja ta’ San Frangisk u fit-toroq tal-Belt Victoria.

Il-jiem tan-Novena li fihom ser jippartecipa l-Kor Nativitas huma dawn: bejn is-Sibt 28 u t-Tnejn 30 ta’ Novembru u bejn it-Tlieta 1 u l-Hamis 3 ta’ Dicembru 2009. Ir-repertorju li ser jintuza ser ikun wiehed vast pero’ ser ikun fil-maggor parti tieghu repertorju Marjan u kant iehor marbut maz-zmien liturgiku ta’ l-Avvent Imqaddes. Ser jizzanznu wkoll sett ta’ salmi responsorjali godda, immuzikati ghal kull gurnata mill-Assistent Direttur tal-Kor Ivan Attard.

Aktar dettalji jinghataw fil-jiem li gejjin.

Il-Kor Nativitas f'servizz importanti fil-Kon-Katidral ta' San Gwann, il-Belt Valletta

Nhar is-Sibt 21 ta’ Novembru 2009, il-Kor Nativitas kien mistieden ikanta waqt Quddiesa Solenni li giet iccelebrata fil-KonKatidral ta’ San Gwann. Din ic-celebrazzjoni saret fl-okkazjoni tal-festa liturgika ta’ Santa Cecilja, Vergni u Martri, patruna tal-muzicisti. Is-servizz gie ikkummissjonat mill-Ghaqda Kazini tal-Banda u kien parti minn stedina li saret lis-Socjeta’ Filarmonika Victory tax-Xaghra sabiex tiehu sehem f’din il-festa annwali permezz tad-daqq ta’ diversi marci brijuzi mat-toroq tal-Belt Valletta.

Il-Kon-Katidral ta` San Ġwann, jinsab il-Belt Valletta, mibni mil-Ordni Militar Sovran ta' Malta magħruf ukoll bħala l-Ordni ta' San Ġwann. Il-Kon-Katidral ta’ San Ġwann, ikkummissjonat fl-1572 mill-Granmastru Jean de la Cassiere bħala l-knisja konventwali ta’ l-Ordni tal-Kavallieri Ospidalieri ta’ San Ġwann, u ddisinjat mill-magħruf arkitett militari Malti, Gilormu Cassar, jispikka bħala monument uniku ta’ importanza internazzjonali. Il-knisja hija ddedikata lil San Gwann Battista, il-qaddis patrun ta’ l-Ordni.

Il-bini tlesta nhar San Ġwann fl-1577. Granmastri u Kavalieri ta’ l-Ordni taw rigali ta’ siwi artistiku kbir u taw kontribuzzjonijiet enormi biex biss b’xogħlijiet ta’ l-arti li kienu ta’ l-ogħla livell mill-aqwa artisti li setgħu sabu dak iż-żmien. Fit-12 ta’ Lulju 1798 il-Kavalieri, fuq qalbhom, ċedew il-Gżejjer lill-Ġeneral Napuljun Bonaparte u hekk ħallew il-knisja konventwali tagħhom. Kien f’dan iż-żmien li l-knisja saret Kon-Katidral. Il-Franċiżi ċedew fl-1800 u l-Gvernatur Ingliż ma damx ma ħa l-gżira f’idejh. L-istess privileġġi li kienu jgawdu l-Kavallieri ħakkiema issa għaddew għand il-Gvernatur Ingliż, u ma’ dawn il-privileġġi għaddiet ukoll il-Knisja ta’ San Ġwann.

Fl-l941, tul it-Tieni Gwerra Dinjija, il-Kon-Katidral ta’ San Ġwann ġarrab ħsarat kbar waqt attakk bil-bombi mill-ajru fuq il-Belt Valletta. Parti mill-anness sofriet l-aktar u l-knisja nnifisha ħelset qerda totali għal ftit. Il-kampnari u s-Sagristija wkoll saritilhom ħsara kbira u l-bieb prinċipali nfaqa’ ‘l ġewwa. Fortunatament, dak li kien hemm fil-knisja kien diġà ġie trasferit f’post ieħor fil-ħin.Il-knisja stess, għandha numbru kbir ta' xogħlijiet importanti ta' arti. Waħda mil-iktar prestiġjużi u importanti hija il-Qtugh ir-Ras ta' San Gwann Battista tal-pittur famuż Caravaggio.

Kien ta’ unur kbir ghalina li nippartecipaw f’din il-Quddiesa f’dan it-tempju prestiggjuz. Il-Quddiesa koncelebrata li bdiet fil-5.30pm tmexxiet mill-W.R. Mons. Lawrenz Mifsud, Rettur tal-Konkatidral u Chaplain ta’ l-Ghaqda Kazini tal-Baned flimkien ma’ Mons. Carmelo Refalo, Arcipriet tal-Parrocca tax-Xaghra u l-W.R. Kan. Dun Giljan Refalo Rapa, Direttur Spiritwali tas-Socjeta’ Filarmonika Victory. Il-Kor Nativitas esegwixxa diversi innijiet ta’ matul is-sena u temm il-Quddiesa bl-innu ‘Jesus Christ you are my life’ in vizta tal-fatt li l-Knisja Universali kienet diga’ bdiet ticcelebra s-Solennita’ ta’ Kristu Sultan tal-Holqien Kollu. Id-direzzjoni tal-Kor kienet f’idejn is-Sinjura Silvana Agius filwaqt li l-akkumpanjament muzikali fuq l-orgni tal-KonKatidral sar mill-organista Ivan Attard. Is-servizz li nghata kien wiehed tajjeb hafna u dan jixduh il-kummenti pozittivi li rcivejna aktar tard mal-jum u matul il-gurnata tal-Hadd. Ezattament wara li ntemmet il-Quddiesa, il-Banda Victory daqqet diversi marci brijuzi u ferrhet lil dawk prezenti ghal din il-festa, fosthom hafna partitarji mir-rahal taghna li telghu mal-Banda ghal din l-attivita’ unika. Il-banda kienet taht id-direzzjoni tas-Surmast Mro. Joseph Galea LCM. Quddiem il-banda taghna, imxew ir-rapprezentanti tas-Socjetajiet muzikali Maltin u Ghawdxin bl-istandard rispettiv taghhom.

Il-membri kollha hadu gost b’din il-mawra Malta u issa tnizzlet pagna ohra sabiha fl-istorja tal-Kor Nativitas ­– iz-zjara tieghu fil-Kon-Katidral ta’ San Gwann u l-animazzjoni ta’ Quddiesa specjali fil-festa tal-patruna tal-muzicisti!!

Is-Socjeta' Filarmonika Victory flimkien mal-Kor Nativitas f'sehem importanti fil-Festa ta' Santa Cecilja, Patruna tal-Muzicisti, fil-Belt Valletta

Bi pjacir, is-Socjeta’ Filarmonika Victory giet mistiedna mill-GHaqda Kazini tal-Baned Maltin sabiex tkun il-protagonista tal-festa ta’ Santa Cecilja li ser tigi ccelebrata fil-Belt Valletta nhar is-Sibt 21 ta’ Novembru 2009. L-ahhar servizz simili li sar f’din il-festa mill-Banda Victory tax-Xaghra Ghawdex kien f’Novembru 1981, jigifieri 28 sena ilu. GHaldaqstant, is-Socjeta’ laqghet b’ferh kbir din l-ahbar u ser taghmel dak kollu li hu possibbli sabiex din l-attivita’ tirnexxi bil-kbir u tkompli izzid mal-lista twila ta’ successi li kisbet matul dawn il-mija u hdax-il sena ta’ storja (1898 – 2009). Flimkien mal-Banda Victory, ser jiehu sehem ukoll il-Kor Nativitas fi hdan l-istess Socjeta’ li ser janima l-Quddiesa Solenni fil-KonKattidral ta’ San Gwann.

Santa Cecilja hija ghal qalb il-muzicisti kollha u bosta huma dawk li jharsu l-gurnata tal-festa liturgika taghha (22 ta’ Novembru) b’Quddiesa u tqarbina. Din hija Qaddisa ta’ l-ewwel zminijiet tal-Knisja b’kult qadim hafna, tant li hi wahda mill-qaddisin martri li jissemmew fil-Kanone Ruman tal-Quddiesa. Fir-rakkont tal-martirju, Santa Cecilja hi mfahhra bhala ezempju mill-isbah ta’ mara Nisranija li harset xbubitha u hadet il-martirju ghall-imhabba ta’ Kristu. Ghalhekk il-qima lejha xterdet ma’ kullimkien fil-knisja sa mill-qedem u fis-seklu hamsa, f’Ruma nbniet bazilika kbira f’giehha. Hija l-qaddisa patruna tal-muzika u l-muzicisti minhabba li hajjitha kienet qisha innu b’muzika angelika li ghogbot lil Alla. Imsemmi mad-dinja kollha huwa l-kor ta’ l-akkademja li ggib isimha f’Ruma.

Il-Programm tal-Festa ta’ Santa Cecilja ser ikun kif gej:

5.30pm: Fil-KonKatidral ta’ San Gwann, Koncelebrazzjoni Solenni bis-sehem tal-Kumitati tas-Socjetajiet Muzikali Maltin u Ghawdxin. Janima l-Kor Nativitas.
Qabel il-Quddiesa, l-organista Ivan Attard jinterpreta bicciet muzikali qosra fuq l-orgni tal-KonKatidral.

6.30pm – 8.15pm: Marci brijuzi mill-Banda Victory tax-Xaghra (A.D. 1898) mat-toroq ewlenin tal-Belt Valletta. Il-Banda tkun taht id-direzzjoni tas-Surmast Mro. Joseph Galea LCM.

Inheggu lil dawk li jixtiequ jigu maghna sabiex javvicinaw lil xi membru tal-Kumitat Centrali mill-aktar fis possibli. Nirringrazzjawkom tal-kooperazzjoni u l-interess taghkom f'din l-attivita' prestiggjuza ghas-Socjeta' taghna. Aktar dettalji jinghataw fil-granet li gejjin.

Imfakkar solennement l-Anniversarju tal-Konsagrazzjoni tal-Knisja ta' San Frangisk

Nhar l-Erbgha 11 ta’ Novembru 2009, il-komunita’ Frangiskana tal-Belt Victoria fakkret b’mod solenni l-103 Anniversarju mid-Dedikazzjoni tal-Knisja ddedikata lill-Qaddis fundatur ta’ l-Ordni Frangiskan.

Ta’ min jinnota li litugikament, il-festa ta’ l-anniversarju tal-Konsagrazzjoni tal-Knisja tal-post hija aqwa mill-festa tat-titular ghalkemm iz-zewg festi huma klassifikati bhala ‘Solennità’. Ir-rit tad-Dedikazzjoni jitlob li titbierek il-Knisja u wara li jsir it-talb preskritt ghac-cerimonja, tinghad it-talba konsagratorja filwaqt li c-celebrant principali, li normalment ikun l-Isqof tal-post, jidlek biz-zejt tal-Grizma tnax-il salib li jkunu mwahhlin mal-hitan tal-knisja (li jissimbolizzaw it-tnax-il Appostlu li fuqhom hija mibnija l-Knisja ta’ Kristu) u l-altar-mejda (li jissimbolizza lil Kristu Haj). It-tifkira tad-Dedikazzjoni tigi ccelebrata kull sena bi grad ta’ Solennita’ fl-istess knisja… f’kaz li l-Knisja tkun Katidral, it-tifkira tkun iccelebrata bi grad ta’ Solennita’ fl-istess Knisja Katidrali u bi grad ta’ Festa fil-knejjes kollha tad-Djocesi peress li l-Katidral huwa l-omm tal-parrocci kollha tal-post.

Ic-celebrazzjonijiet ta’ din is-Solennita’ fethu nhar it-Tlieta 10 ta’ Novembru filghaxija ma’ nzul ix-xemx. Fis-5.45pm sar it-talb tar-Ruzarju Mqaddes quddiem Gesu’ Sagramentat. Fis-6.15pm inghata bidu ghall-Kant Solenni ta’ l-Ewwel Ghasar tad-Dedikazzjoni u nghatat il-Barka Sagramentali. Immedjatament wara din il-funzjoni, bdiet Koncelebrazzjoni Solenni ta’ lejliet il-festa li tmexxiet minn Patri Egidio Mizzi OFM Konv., predikatur gharef u Bibblista maghruf. Il-jum propju tas-Solennita’, l-Erbgha 11 ta’ Novembru, kien iccelebrat b’Quddies bl-omelija filghodu u filghaxija b’dan il-programm: 5.45pm Ruzarju meditat, 6.15pm Kant Solenni tat-Tieni Ghasar u Barka Sagramentali filwaqt li ghall-habta tas-6.40pm bdiet Koncelebrazzjoni Solenni li tmexxiet mill-E.T. Mons. Nikol G. Cauchi, Isqof Emeritus tad-Djocesi ta’ Ghawdex.

Il-Kor Nativitas gie mistieden biex janima dawn iz-zewg Quddisiet. Minbarra li gie kantat l-Ghasar (li kien jinkludi l-Innu ‘F’dehra kbira’ u tliet salmi differenti f’kull okkazjoni), il-Kor esegwixxa repertorju tajjeb hafna fosthom il-‘Missa Pastorale’ (Mro. Nazzareno Refalo) u ‘Missa De Angelis’ (Gregorian Chant) bis-sehem tal-kongregazzjoni migbura. Id-direzzjoni kienet f’idejn Silvana Agius u l-Kor kien akkumpanjat mill-organista Ivan Attard.

Il-Kor Nativitas ifakkar il-benefatturi mejtin tas-Socjeta' Filarmonika Victory

Nhar it-Tlieta 3 ta’ Novembru, il-Kor Nativitas, bhala Kor fi hdan is-Socjeta’ Filarmonika Victory, inghaqad mal-frieghi l-ohra ta’ din l-Ghaqda muzikali u fakkar lis-Surmastrijiet, bandisti, socji, membri tal-Kumitat, membri generali u benefatturi li taw kontribut siewi fl-istorja ta’ din l-ikbar ghaqda fil-lokalita’ taghna u li diga’ ghaddew biex igawdu l-mistrieh ta’ dejjem f’hajja li ma tintemm qatt. Hija tradizzjoni sabiha hafna li l-Kumitat tas-Socjeta’ ta’ kull sena jorganizza din il-Quddiesa biex jonora l-memorja ta’ tant nies li poggew fil-genb l-interessi personali taghhom u hadmu ghalenija biex isem l-ewwel banda fl-irhula Ghawdxin baqa’ jinzamm fuq wicc l-idejn.

Ghaldaqstant, fis-6.00pm bdiet Quddiesa koncelebrata ‘de requiem’ fil-Knisja Kolleggjata u Bazilika ta’ Marija Bambina. Din il-Quddiesa tmexxiet mill-W.R. Mons. Arcipriet Carmelo Refalo. Flimkien mieghu ikkoncelebraw il-W.R. Kan. Giljan Refalo Rapa, Direttur Spiritwali tas-Socjeta’ u l-Kan. Dun Anton Refalo. L-innijiet li tkantaw mill-Kor taghna, akkumpanjati fuq l-orgni tal-Bazilika minn Ivan Attard, kienu jesprimu tama f’hajja li ma tintemmx u ikkumplimentaw lil dawk li intuzaw waqt il-funzjoni ta’ l-Ghid ta’ l-Imwiet.

Immedjatament wara li spiccat il-Quddiesa, sar il-pellegrinagg annwali lejn ic-Cimiterju tal-parrocca li tmexxa minn Dun Guzepp Cini. Dan is-sacerdot jiffrewenta b’mod regolari l-kazin tal-Banda taghna fejn jiltaqa’ ma dawk prezenti (fil-maggor parti taghhom zghazagh) u jghaddi kelma ta’ gid. Hadu sehem il-membri li jiffurmaw il-Kumitat Centrali, delegazzjoni mill-Kor Nativitas, u xi parruccani ohra. Il-pellegrinagg intemm bi tqeghid ta’ kuruni fic-cimiterju u mumenti ta’ talb fis-skiet fil-Kappella tad-Duluri fejn hemm ukoll midfuna xi sacerdoti mill-parrocca tax-Xaghra.

Il-Kor Nativitas janima l-Liturgija tas-Solennita' tal-Qaddisin Kollha u l-Ghid ta' l-Imwiet

Nhar il-Hadd 1 ta’ Novembru, il-Knisja Universali ccelebrat is-Solennita’ tal-Qaddisin Kollha. Din hija festa kbira ghall-Knisja ghax tfakkarna f’dawk kolha li ghaddew minn din il-hajja materjali ghall-hajja li ma tintemmx u li diga’ qeghdin igawdu l-wicc ta’ Alla fis-sema. Din is-solennita’ tikseb sinifikat specjali ghall-fatt li l-Knisja mhux biss trid taghti gieh u qima lil dawk il-qaddisin ufficjali (li taghhom niccelebraw il-festa b’mod individwali fil-granet ta’ matul is-sena) imma anke lil dawk hutna li diga’ saru qaddisin ghax qeghdin il-genna – fost dawn jista’ jkun hemm anke qraba taghna.

L-ghada t-Tnejn, 2 ta’ Novembru, it-tokki kiebja tal-qniepen mill-kampnari tal-knejjes taghna fakkruna f’dawk hutna li ghaddew mill-passagg bejn din il-hajja u l-hajja eterna, imma li ghad fadlilhom xi dejn li jridu jhallsu skont il-gustizzja ta’ Alla u allura ghadhom ghaddejjin mill-process ta’ tisfija fil-Purgatorju. Il-gurnata tat-2 ta’ Novembru hija maghrufa bhala ‘Jum l-Ghid ta’ l-Imwiet’ ghax tikkommemora lill-Fidili mejtin kollha.

Ghalkemm dawn il-jumejn mhumiex jiem ta’ obbligu tal-Quddies (sakemm ovvjament ma jinzertawx nhar ta’ Hadd), l-insara xorta wahda jhossu li ghadhom iharsuhom u jghozzuhom permezz ta’ Quddiesa u tqarbina. Ta’ min jghid ukoll li skont il-Kostituzzjoni Appostolika ta’ l-10 ta’ Awwissu 1915, nhar it-2 ta’ Novembru, kull sacerdot jista’ jqaddes tliet quddisiet: wahda joffriha skont l-intenzjoni personali tieghu, it-tieni quddiesa ghall-erwieh tal-mejtin kollha u l-ahhar quddiesa joffriha skont il-fehma tal-Papa.

Din is-sena, il-Kor Nativitas iccelebra dawn iz-zewg festi fil-Knisja ta’ San Frangisk (Belt Victoria) billi anima l-Quddiesa Solenni tal-Qaddisin Kollha fid-9.30am u l-Quddiesa ‘de requiem’ b’tifkira ta’ l-Erwieh kollha fis-6.30pm. Ghal iz-zewg okkazjonijiet, il-Kor interpreta numru sabih ta’ innijiet religjuzi. Nhar it-Tnejn filghaxija, il-Kor esegwixxa ghall-ewwel darba b’mod ufficjali l-Quddiesa Gregorjana ‘Pro Defunctis’ li tintuza waqt il-Liturgija tal-Funerali u f’Quddies iehor tal-mejtin. Skont kif titlob il-Liturgija tal-Knisja, waqt il-Quddiesa tat-2 ta’ Novembru, il-kant li ntuza kien wiehed li jesprimi tama f’hajja li ma tintemmx frott ir-rebha ta’ Kristu fuq il-mewt u d-dnub. Il-Kor kien taht id-direzzjoni ta’ Silvana Agius bis-sehem ta’ l-organista Ivan Attard.

Servizzi matul ix-xahar ta' Novembru 2009

Il-Hadd 1 ta’ Novembru: Jum is-Solennita’ tal-Qaddisin Kollha.
9.30am: Koncelebrazzjoni fil-Knisja ta’ San Frangisk (Belt Victoria). Imexxi Patri Gorg Attard, Gwardjan tal-Komunita’.

It-Tnejn 2 ta’ Novembru: Jum it-Tifkira Solenni tal-Fidili Mejtin Kollha.
6.30pm: Quddiesa kantata ‘de requiem’ fil-Knisja ta’ San Frangisk (Belt Victoria).

It-Tlieta 3 ta’ Novembru:
6.00pm: Fil-Bazilika ta’ Marija Bambina, Quddiesa kantata ‘de requiem’ b’suffragju ta’ l-erwieh tal-bandisti, socji, surmastrijiet, membri tal-Kumitat u benefatturi tas-Socjeta’ Filarmonika Victory. Imexxi l-Ewkaristija l-W.R. Kan. Giljan Refalo Rapa, Direttur Spiritwali.
Wara li tintemm il-Quddiesa, isir pellegrinagg lejn ic-cimiterju parrokkjali fejn jitqieghdu bukketti ta’ ward u jinghad talb b’suffragju ta’ l-Erwieh tal-Purgatorju. F’dan il-pellegrinagg, jiehu sehem il-Kumitat Centrali tas-Socjeta’ u delegazzjoni mill-Kor Nativitas.

It-Tlieta 10 ta’ Novembru: Lejliet is-Solennita’ tal-103 Anniversarju mill-Konsagrazzjoni tal-Knisja ta’ San Frangisk.
6.30pm: Koncelebrazzjoni Solenni li tinkludi l-Kant ta’ l-Ewwel Ghasar tad-Dedikazzjoni tal-Knisja. Imexxi l-W.R. Patri Gorg Attard, Gwardjan tal-Komunita’ Frangiskana.

L-Erbgha 11 ta’ Novembru: Jum is-Solennita’ tal-103 Anniversarju mill-Konsagrazzjoni tal-Knisja ta’ San Frangisk.
6.30pm: Koncelebrazzjoni Solenni li tinkludi l-Kant tat-Tieni Ghasar tad-Dedikazzjoni tal-Knisja. Imexxi Patri Gorg Attard (Gwardjan).

Is-Sibt 21 ta’ Novembru: Festa ta’ Santa Cecilja V.M., patruna tal-muzika u tal-muzicisti.
ATTIVITAJIET FIL-KON-KATTIDRAL TA’ SAN GWANN U FIT-TOROQ PRINCIPALI TAL-BELT VALLETTA ORGANIZZATI MILL-GHAQDA KAZINI TAL-BANED.

5.30pm: Koncelebrazzjoni Solenni fil-Knisja Konkatidrali ta’ San Gwann fil-Belt Valletta bis-sehem tal-Kumitati tas-Socjetajiet muzikali kollha ta’ Malta u Ghawdex. Jiehu sehem il-Kor Nativitas taht id-direzzjoni tas-Sinjura Silvana Agius u l-organista Ivan Attard.

6.30pm – 8.15pm: Marci brijuzi mill-Banda Victory tax-Xaghra mat-toroq principali tal-Belt Valletta. Il-Banda tkun taht id-direzzjoni tas-Surmast Mro. Joseph Galea LCM. Aktar dettalji dwar dan is-servizz prestiggjuz jinghata fil-gimghat li gejjin.

Issir il-Quddiesa ta' Radd il-Hajr lil Alla

Nhar is-Sibt 24 ta’ Ottubru 2009, lejliet il-111 Anniversarju mit-Twaqqif tas-Socjeta’ Filarmonika Victory tax-Xaghra, il-Kumitat Centrali f’kollaborazzjoni mad-direzzjoni tal-Kor Nativitas organizzaw Quddiesa ta’ ringrazzjament lil Alla fil-Knisja Kolleggjata u Bazilika ta’ Marija Bambina.

Il-Quddiesa bdiet fis-6.30pm u kienet immexxija mill-W.R. Dun Michael Curmi, Vici Rettur tas-Seminarju Magguri tal-Qalb ta’ Gesu’ u l-Ewwel Direttur Muzikali tal-Kor Nativitas. Mieghu ikkoncelebra l-Arcipriet Mons. Carmelo Refalo. Skont xewqa ta’ l-E.T. Mons. Isqof Mario Grech u b’rabta mal-Kungress Ewkaristiku Djocesan li qed isir f’Ghawdex f’dawn il-jiem, waqt il-Quddiesa gew spjegati r-riti liturgici principali li jsiru waqt ic-celebrazzjoni ta’ l-Ewkaristija. Il-lezzjonijiet tal-Quddiesa flimkien mat-talbiet ta’ intercessjoni nqraw minn membri attivi tal-Kor. L-offerti li ttellghu kienu jinkludu wkoll strument muzikali, uniformi tal-Kor, uniformi tas-Socjeta’ u ktieb tal-kant li jirraprezentaw lill-Banda nnifisha u lill-Kor li kien qed irodd hajr lil Alla f’gheluq l-ghaxar anniversarju mit-twaqqif tieghu.

Il-Kor Nativitas esegwixxa innijiet sbieh bhal ‘Herqanin’ (introjtu), ‘Noffrulek Mulej’ (Offertorju), ‘Qaddis’ (M. Palmitessa), ‘Aghti Qima’ (akklamazzjoni), ‘Kull Hin Imbierek Ismu’ (Tqarbin) u ‘Fahhru mieghi lill-Mulej’ (gheluq).

Tifkira tal-111 Anniversarju mit-Twaqqif tal-Banda Victory (1898 - 25 ta' Ottubru - 2009)

Nhar il-Hadd 25 ta’ Ottubru 2009, is-Socjeta’ Filarmonika Victory tax-Xaghra Ghawdex ser tfakkar il-111 Anniversarju mit-twaqqif taghha. Il-Banda Victory hija l-akbar u l-eqdem ghaqda li nsibu fir-rahal taghna.

Fi tmiem is-seklu dsatax, ir-rahal tax-Xaghra kien ghaddej minn attivita’ partikolari, cioe’ l-Casa Pia Industriale. Din twaqqfet fi zmien il-parrokat ta’ l-ewwel Arcipriet, Dun Guzepp Diacono. Il-Banda bl-isem La Vittoria taf il-bidu taghha lil numru sabih ta’ zghazagh li wrew ix-xewqa taghhom lill-Arcipriet Diacono f’Settembru tas-sena 1898 u jidher li dawn iz-zghazagh kellhom lis-Surmast Malti Eduardo Farina li kien jaqla’ l-ghajxien tieghu billi jdur l-irhula ta’ Ghawdex flimkien ma’ wiehed Ghawdxi mlaqqam “Ta’ Garella” jbiegh xi hwejjeg zghar. Darba minnhom, “Ta’ Garella” waqaf jitkellem ma’ certu wiehed Karmnu mix-Xaghra li kien dilettant kbir tal-festa. Bla ebda telf ta’ zmien, Karmnu resaq fuq l-Arcipriet Diacono u wrieh dan il-hsieb li dlonk inghogob. Dawn iz-zghazagh talbu lill-Arcipriet Diacono sabiex ihallihom jaghmlu uzu mid-Dar Industrijali ghall-provi u l-kuncerti tal-banda u b’hekk din id-dar serviet bhala l-lokal tal-Banda “La Vittoria”. Il-Banda tax-Xaghra twaqqfet formalment fil-jum glorjuz tal-25 t’Ottubru, 1898 u kienet l-ewwel banda mwaqqfa fl-irhula Ghawdxin. Din is-Socjeta’ Filarmonika ghamlet success f’qasir zmien u kellha 120 membru fejn daqqet ghall-ewwel darba fil-purcissjoni ta’ San Guzepp tax-Xaghra fl-1899 u fil-festa titulari ta’ l-istess sena. Madankollu, fil-festa tal-Madonna tar-Ruzarju, f’Ottubru 1906, inqala’ dizgwid fil-kumitat u l-Banda kellha tieqaf hesrem. Fis-sena 1934, twaqqfet ghall-ewwel darba l-ghaqda tal-Boy Scouts fix-Xaghra. Wara numru ta’ diskussjonijiet u hsieb sabiex din l-ghaqda jkollha l-banda taghha, f’dik l-istess sena, regghet ghat-tieni darba twaqqfet il-Banda tar-rahal taghna, din id-darba bl-isem tal-Banda Victory. Matul il-medda taz-zmien, is-Socjeta’ Filarmonika Victory kienet immexxija minn diversi surmastrijiet ta’ hila, fosthom is-Surmast Mikiel Farrugia (1934 – 1960), Joseph Camilleri A.MusLCM (1960 – 1971), Nazzareno Refalo (1971 – 1977), Anton Bonnici (1977 – 1993) u Joseph Galea LCM (1993 – prezent). Is-Socjeta’ Filarmonika Victory torganizza esklussivament zewg kuncerti kbar matul is-sena li huma l-Kuncert ta’ muzika sagra fil-jiem tal-Gimgha Mqaddsa (generalment Lejliet Hadd il-Palm) fil-Knisja Bazilika ta’ Marija Bambina u l-Programm Vokali u Strumentali li jittella’ fil-jiem tal-festa titulari fuq il-plancier f’Misrah il-Vitorja (generalment isir nhar l-4 ta’ Settembru). Bejn is-snin 1958 u 1967, is-Socjeta’ mexxiet it-talba biex il-Kolleggjata ta’ Marija Bambina tigi mghollija ghad-dinjita’ ta’ Bazilika minn idejn il-Q.T. Papa Piju VI fuq insistenza ta’ l-E.T. Mons. Isqof Nikol G. Cauchi. Is-sena 1994 tibqa’ mnizzla b’ittri kbar tad-deheb fl-annali tas-Socjeta’ minhabba l-mawra taghha fil-Kanada u fl-Istati Uniti ta’ l-Amerika, liema zjara kienet saret bejn id-19 ta’ Settembru u t-3 t’Ottubru. F’Settembru 1999, il-Banda Victory hadet sehem fil-festi specjali li saru mill-parrocca tax-Xaghra biex ifakkru l-25 Anniversarju mill-Inkurunazzjoni ta’ l-istatwa titulari ta’ Marija Bambina fil-prezenza tal-Em. T. il-Kardinal Edmund Casimir Skoza. Bejn is-Sibt 29 ta’ April u l-Erbgha 3 ta’ Mejju 2006, il-Banda Victory hadet sehem fil-Festi Cinkwantenarji li fakkru l-hamsin anniversarju minn meta s-Socjeta’ Filarmonika Leone irregalat l-istatwa artistika u devota ta’ Marija Assunta lill-Knisja Katidrali. Matul dawn l-ahhar snin, kompla ghaddej xoghol ta’ manutenzjoni u modernizzar tal-Kazin li jinsab fi Triq Marija Bambina.

Dan l-anniversarju ser ikun imfakkar b’QUDDIESA SOLENNI TA’ RINGRAZZJAMENT LIL ALLA fil-Knisja Kolleggjata u Bazilika ta’ Marija Bambina – Xaghra nhar is-Sibt 24 ta’ Ottubru fis-6.30pm. Il-Quddiesa ser tkun immexxija mill-W.R. Mons. Arcipriet Carmelo Refalo bis-sehem tal-W.R. Kan. Giljan Refalo Rapa, Direttur Spiritwali tas-Socjeta’ u l-W.R. Dun Michael Curmi, l-ewwel Direttur tal-Kor. Il-Quddiesa tkun animata mill-Kor Nativitas u bis-sehem shih tal-ferghat kollha tas-Socjeta’.

Id-dettalji tal-Quddiesa u ritratti jinghataw il-gimgha d-diehla.

Il-Kor Nativitas jiehu sehem fil-Festa ta' Gesu' Nazzarenu

Nhar il-Hamis 15 ta’ Ottubru, il-komunita’ ta’ Gesu’ Nazzarenu fix-Xaghra tat bidu ghat-Tridu Ewkaristiku bi thejjija ghas-Solennita’ ta’ Kristu Sultan tal-Holqien kollu li ser tigi ccelebrata nhar il-Hadd 18 ta’ Ottubru fit-tifkira ta’ l-ewwel centinarju mit-tberik ta’ l-istess knisja f’dawk l-inhawi.

Minbarra l-Knisja Parrokkjali ddedikata lit-Twelid tal-Vergni Mqaddsa Marija, fix-Xaghra wiehed jista’ jsib tliet knejjes filjali – wahda ddedikata lil Sant’Anton Abbati (liema knisja serviet bhala wahda parrokkjali bejn is-sena 1688 u l-1692), il-knisja tal-Konverzjoni ta’ San Pawl fl-inhawi ta’ Marsalforn u l-Knisja ta’ Gesu’ Nazzarenu li tbierket fis-sena 1909 u giet ikkonsagrata nhar il-15 ta’ Novembru, 1931. Il-Knisja tan-Nazzarenu tista’ tiftahar b’bosta opri ta’ arti, ewlieni fosthom il-Kwadru titulari li juri lil Kristu nkurunat fix-xewk fil-glorja tieghU, liema kwadru tpitter mill-artist Malti, Lazzaro Pisani. Fil-prezent, il-komunita’ ta’ Gesu’ Nazzarenu hija fdata fil-kura pastorali tar-Rettur il-Kan. Dun Anton Refalo Rapa.

Il-Kor Nativitas ilu ghal diversi snin jigi mistieden b’mod regolari sabiex jippartecipa f’din il-festa billi janima l-Quddiesa ta’ l-Ewwel Jum tal-Kwaranturi. Din is-sena, din il-Quddiesa saret fil-15 ta’ Ottubru – tifkira liturgika ta’ Santa Tereza ta’ Avila, Vergni u Duttur tal-Knisja. Il-festa ta’ din is-sena hija wahda specjali ghall-fatt li ninsabu fis-Sena Sacerdotali, imnedija mill-Q.T. Papa Benedittu XVI nhar id-19 ta’ Gunju li ghadda, u anke minhabba li f’dawn il-jiem infetah b’mod solenni l-Kungress Ewkaristiku Djocesan li ser jinzamm fid-Djocesi ta’ Ghawdex fl-okkazjoni ta’ gheluq it-80 Anniversarju minn meta sar l-ewwel Kungress ta’ din ix-xorta fil-gzira taghna u biex jiggedded l-impenn ta’ kull nisrani Ghawdxi favur il-Jum tal-Hadd – Jum il-Mulej.

Ic-celebrazzjoni ta’ l-Ewwel Jum tat-Tridu Ewkaristiku nfethet bit-talba tar-Ruzarju, il-Kant tal-Ghasar li tmexxa minn Mons. Ewkaristiku Sultana u l-Barka Sagramentali. Fis-7.00pm bdiet Koncelebrazzjoni Solenni li kienet ippreseduta mill-W.R. Mons. Giovanni Bosco Gauci, Vigarju Generali tad-Djocesi taghna, bis-sehem tas-sacerdoti Xaghrin u l-familjari taghhom biex flimkien jirringrazzjaw lil Alla ghad-don tas-Sacerdozju Ministerjali u biex ifakkru t-twaqqif tas-sagrament ta’ l-Ewkaristija. Wara numru sabih ta’ provi li saru ghall-membri kollha tal-Kor, konna tassew preparati biex naghtu servizz dinjituz u li jixraq f’din l-okkazjoni unika u specjali. Fl-introjtu tal-Quddiesa, il-Kor esegwixxa l-Innu “L-Ispirtu tal-Mulej qed jistrieh fuqi”, muzika tas-surmast Marco Frisina – dan huwa innu ispirat mill-kliem tal-Profeta Isaija u applikat l-ewwelnett ghal Kristu, is-Sommu Sacerdot, u imbaghad ghall-ministri ikkonsagrati fid-diversi gradi li ghandha l-Knisja, jigifieri l-Episkopat (Isqfijiet), il-Presbiterat (sacerdoti) u d-Djakonat (djakni). Innijiet ohrajn li gew esegwiti kienu “Harsitna ‘l Fuq” (offertorju), “Tnezzajt mill-gmiel” (tqarbin – innu li japplika tant tajjeb ghal Kristu Sultan), u “Jesus Christ you are my life” (gheluq). Giet esegwita wkoll il-Missa Cantate Domino ta’ Giuseppe Oltrasi – liema Quddiesa nizlet tant tajjeb mal-kongregazzjoni numeruza migbura ghall-Ewkaristija.

Wara li ntemmet il-Quddiesa, il-Kor Nativitas kien mistieden ghal bibita fil-Kunvent tas-Sorijiet Frangiskani anness ma’ l-istess Knisja. Nirringrazzjaw lil din il-komunita’ religjuza u lill-komunita’ kollha li toqghod fl-inhawi tan-Nazzarenu ta’ l-akkoljenza taghhom! Ritratti ta’ din l-attivita’ jittellghu fil-jiem li gejjin.