Dan il-Kor twaqqaf fis-16 ta' April 1999 u sal-lum ghadu jaghti s-servizz tieghu f'diversi celebrazzjonijiet liturgici f'numru sabih ta' Knejjes Ghawdxin. Id-Direttur muzikali u l-organista ufficjali tal-Kor huwa s-Sur Ivan Attard A.MusTCL. L-e-mail taghna huwa kornativitas@gmail.com. Ghal aktar informazzjoni, cemplu fuq 21 556835.
Nhar il-Gimgha 16 ta’ April 2010, il-Kor Nativitas ifakkar il-hdax-il anniversarju mit-twaqqif tieghu.
Kienet is-sena 1999 li rat it-twaqqif ta’ dan il-Kor fi hdan is-Socjeta’ Filarmonika Victory tax-Xaghra – Kor li baqa’ dejjem miexi ‘l quddiem u qed izid fin-numru ta’ servizzi li jaghti mhux biss f’diversi Knejjes Ghawdxin imma anke f’numru ta’ attivitajiet kulturali. Minn qalbna, nixtiequ nirringrazzjaw lil dawk kollha li matul dawn il-hdax-il sena kienu nvoluti fit-tmexxija ta’ dan il-Kor u lil dawk li b’xi mod jew iehor taw l-ghajnuna taghhom biex il-Kor seta’ jizviluppa f’wiehed stabbilit.
Tislima wkoll lis-Sur Michael Cini li kien il-fundatur ta’ dan il-Kor u lill-membri tal-Kumitat Centrali tas-Socjeta’ taghna li matul iz-zmien hadmu id f’id mad-direzzjoni tal-Kor biex intlahaq is-success mixtieq.
Grazzi lil kulhadd u nheggukom sabiex tkomplu ssostnuna bil-prezenza taghkom waqt is-servizzi taghna!
Nhar il-Hadd 11 ta’ April 2010, il-Hadd fost l-Ottava tal-Ghid il-Kbir, il-Knisja Universali ccelebrat il-Festa tal-Hniena Divina.
Din hija Festa li riedha Gesu’ innifsu skont kif insibu miktub fid-djarju tas-soru Pollakka Santa Fawstina Kowalska li kellha numru ta’ vizjonijiet smewwija. Il-messagg li twassal f’dawn id-dehriet huwa wiehed li l-Knisja dejjem ghallmet, jigifieri li l-Mulej Gesu’ huwa ta’ hniena bla qies. Sa minn qabel il-mewt ta’ Swor Fawstina fl-1938, id-devozzjoni lejn il-Hniena Divina kienet diga’ xterdet fil-Polonja u bdiet titfakkar bhala festa mhux biss fil-Polonja imma wkoll fil-Vatikan. Madankollu, kien il-Q.T. Papa Gwanni Pawlu II li estenda din ic-celebrazzjoni ghall-Knisja kollha. Dan gara waqt il-Quddiesa tal-Kanonizazzjoni ta’ Swor Fawstina nhar il-Hadd 30 ta’ April, 2000.
Il-Kor Nativitas iccelebra din il-Festa ghaziza flimkien mal-Komunita’ Frangiskana tal-Belt Victoria . Fl-4.30pm saret l-Adorazzjoni Ewkaristika li ghalqet bil-Benedizzjoni Sagramentali. Fil-5.00pm bdiet Quddiesa Solenni bil-prietka tal-okkazjoni. Fost l-innijiet li gew esegwiti, kien hemm l-‘Innu ta’ Santa Fawstina’, kliem u muzika tas-Sur Joe Aquilina.
L-impenji tal-Kor ikomplu matul dan ix-xahar… Aktar dettalji jinghataw fil-gimghat li gejjin.
Funzjoni solenni li damet xejn anqas minn saghtejn u kwart ikkaratterizzat il-Lejl Qaddis tal-Ghid fil-Knisja ta’ San Frangisk fil-Belt Victoria. Dan huwa l-lejl tal-iljieli; l-aqwa wiehed fost l-iljieli kollha tas-sena ghax fih niccelebraw l-akbar festa li ghandha l-Knisja Kattolika: il-Qawmien ta’ Sidna Gesu’ Kristu u r-rebha qawwija li kiseb fuq l-ghadu, id-dnub u l-mewt!
Hija funzjoni mill-aktar elaborata tant li tista’ titqies bhala l-itwal u l-aktar celebrazzjoni liturgikament rikka li ghandha l-Knisja. Il-funzjoni, li kienet immexxija mill-Gwardjan Rev. Patri George Attard, bdiet bit-tberik tan-nar il-gdid li thejja fuq iz-zuntier tal-Knisja u l-mixeghla u l-intronizzazzjoni tal-Blandun li huwa simbolu ta’ Kristu Rxoxt. Sar il-Kant Solenni tat-Thabbira tal-Ghid mill-bibblista maghruf Patri Egidio Mizzi OFM Konv., segwit mill-qari ta’ seba’ lezzjonijiet mit-Testment il-Qadim. F’dan il-mument, il-Kor Nativitas kanta r-ritornelli tas-salmi responsorjali u fil-kaz tat-tielet u l-hames lezzjonijiet, sar il-kant tas-salm kollu. Dawn huma salmi mill-aktar sbieh li jesprimu l-ghatx tal-poplu t’Alla ghall-wasla tal-Feddej Divin. Sar il-Kant tal-Gloria in Excelsis Deo filwaqt li l-qniepen tal-knisja, li kienu ilhom siekta minn nhar il-Hamis filghaxija, hallew ilsienhom u daqqew mota ta’ ferh li dwiet mal-belt kollha. Il-Quddiesa tkompliet bil-Liturgija tal-Maghmudija u finalment il-Liturgija tal-Ewkaristija. Il-Kor interpreta numru sabiha ta’ innijiet liturgici marbuta ma’ kull rit li sar waqt din il-Koncelebrazzjoni tal-Lejl tal-Ghid. Hadet sehem ukoll is-Sopran Ghawdxija Rosabelle Pavia li interpretat l-innu ‘Ha Nersqu LejH’ waqt it-Tqarbin.
Il-Kor Nativitas kompla jaqsam il-ferh tal-Ghid mal-Komunita’ tal-Patrijiet Frangiskani billi llum il-Hadd 4 ta’ April anima l-Koncelebrazzjoni tad-9.30am. Minn qalbna, nirringrazzjaw lill-koristi kollha ghall-impenn u d-dedikazzjoni taghhom matul dawn il-funzjonijiet sbieh tal-Gimgha Mqaddsa. Nghidu grazzi wkoll lill-Komunita' tal-Frangiskani ghall-istedina li ghogobhom jaghmlulna.
L-appuntament li jmiss huwa ghal nhar il-Hadd 11 ta’ April meta l-Kor Nativitas ser janima l-Koncelebrazzjoni Solenni li tfakkar il-Festa tal-Hniena Divina fil-Knisja ta’ San Frangisk. Is-servizz jibda fil-5.00pm.
F’Jum il-Gimgha l-Kbira, il-Knisja Kattolika tfakkar b’mod solenni t-Tifkira tal-Passjoni u l-Mewt tal-Mulej Gesu’. F’dan il-jum, l-artali tal-knejjes ikunu mnezza’ minn kollox: bla salib, bla kandlieri u bla tvalji b’sinjal ta’ luttu ghall-mewt tal-Gharus Divin. Barra minn hekk, il-qniepen u l-istrumenti muzikali jinzammu siekta. Infatti, il-Knisja trid li s-skiet jiddomina dan il-jum ghaziz fil-kalendarju liturgiku taghha. Illum ma tigi ccelebrata l-ebda Quddiesa. L-unika funzjoni tkun dik tal-Adorazzjoni tal-Ghuda tas-Salib li tigi ccelebrata madwar it-tlieta ta’ wara nofsinhar – il-hin li fih, skont dak li nsibu fl-Evangelji, Gesu’ radd ruhu lill-Mulej wara tliet sighat ta’ agunija fuq salib.
Il-Kor Nativitas anima din l-Azzjoni Liturgika fil-Knisja tal-Patrijiet Frangiskani Konventwali tal-Belt Victoria. Ic-celebrazzjoni kienet immexxija mill-W.R. Patri George Attard OFM Konv., Gwardjan tal-Komunita’, flimkien ma’ Patri Egidju Mizzi u Patri Joseph Xerri. L-innijiet liturgici li gew esegwiti kienu l-versett tas-Salm Responsorjali, Poplu tieghi, Innu lis-Salib Imqaddes ta’ Kristu, Ahfirli Gesu’ u O Gesu’ tal-Akbar Hniena waqt il-mumenti principali ta’ din il-funzjoni jigifieri l-Adorazzjoni tas-Salib u t-Tqarbin Imqaddes.
Aktar tard wara nofsinhar, il-Banda Victory tax-Xaghra akkumpanjat il-purcissjoni-pageant tal-Gimgha l-Kbira li harget mill-Knisja Bazilika ta’ Marija Bambina. Kif kien mistenni f’temp mill-isbah, folol kbar ta’ nies Ghawdxin, Maltin u sahansitra barranin attendew ghal din il-manifestazzjoni pubblika ta’ fidi f’gieh Kristu mejjet. Il-Banda daqqet numru ta’ marci mic-CD il-gdida li ghadha kemm harget din is-sena bl-isem ‘Hakeldema’ (Ghalqa tad-Demm). Il-marci huma miktubin mill-pinna ta’ diversi surmastrijiet b’isem stabbilit fosthom Antoine Mercieca, Joseph Galea (Surmast Direttur), Antonio Miruzzi, Vincenzo Ciappara, Carlo Diacono, Giuseppe Giardini Vella, Pawlu Miruzzi, Guzeppi Spiteri, Antonio Micallef u Mikiel Farrugia.
L-appuntament tal-Kor ghal servizzi iehor huwa propju f’Sibt il-Ghid fit-8.00pm meta mal-Knisja Kattolika mxerrda mad-dinja nishru u nistennew b’tama qaddisa l-Qawmien tal-Mulej mill-Mewt u r-Rebha setghana tieghU fuq id-dnub u l-mewt!
3.00pm: Azzjoni Liturgika tal-Adorazzjoni tas-Salib Imqaddes fil-Knisja ta' San Frangisk (Belt Victoria). Janima l-Kor Nativitas. 6.00pm: Purcissjoni-pageant tal-Gimgha l-Kbira mill-Knisja Kolleggjata u Bazilika ta' Marija Bambina bis-sehem tal-W.R. Kapitlu u Kleru tal-Parrocca. Takkumpanja l-Banda Victory li ddoqq marci funebri.
Nhar Hamis ix-Xirka filghaxija, il-Knisja Kattolika ticcelebra l-Ahhar Ikla tal-Mulej u taghti bidu ghall-aktar tlett ijiem solenni u importanti fis-Sena Liturgika. Il-Quddiesa tal-‘Ahhar Cena’ hija l-unika Quddiesa li tigi ccelebrata fil-Knejjes kollha tad-dinja matul din il-gurnata peress li filghodu, tigi ccelebrata Quddiesa wahda biss f’kull Djocesi. Din ic-celebrazzjoni tinzamm fil-Knisja Katidrali u tkun immexxija mill-Isqof tal-post – matulha s-sacerdoti jgeddu l-weghdiet li kienu ghamlu f’jum l-Ordinazzjoni taghhom filwaqt li l-Isqof ibierek iz-Zejt tal-Grizma tal-Morda u tal-Konsagrazzjoni tal-Katekumeni u jikkonsagra z-Zejt tal-Grizma li jintuza fl-amministrazzjoni tas-Sagrament tal-Konfirmazzjoni u tal-Ordni Sagri.
Din is-sena, il-Kor Nativitas gie mistieden mill-Komunita’ Frangiskana tal-Belt Victoria sabiex janima l-Liturgija Solenni tat-Tridu tal-Ghid il-Kbir fil-Knisja taghhom. Il-funzjoni ta’ Hamis ix-Xirka saret nhar l-1 ta’ April 2010 u bdiet fis-6.30pm. Waqt il-kant tal-Glorja, indaqqu l-qniepen li issa jibqghu siekta u ma jindaqqux sal-Glorja ta’ Sibt il-Ghid. Wara li saret l-omelija mir-Reverendu Patri Gwardjan, saret ic-cerimonja simbolika tal-hasil tar-riglejn u l-Liturgija Ewkaristika kompliet bhas-soltu. Wara li saret it-talba ta’ wara t-Tqarbin, Gesu’ Sagramentat ittiehed b’mod solenni mill-Altar Maggur ghall-Altar tar-Repozizzjoni fejn jibqa’ ghall-venerazzjoni tal-insara sal-funzjoni tal-Adorazzjoni tas-Salib f’jum il-Gimgha l-Kbira.
Il-Kor Nativitas esegwixxa dawn l-innijiet: ‘Gbartna flimkien Mulej’ (introjtu), il-Messa Pastorale ta’ Mro. Nazzareno Refalo, is-salm responsorjali kantat, ‘Ubi Caritas’ (waqt il-hasil tar-riglejn), ‘Fejn Issib l-Imhabba w l-Ghozza’ (Offertorju), ‘Salvana Int’ (akklamazzjoni wara l-Konsagrazzjoni), ‘Missierna’, ‘Waslet is-Siegha’ (Tqarbin) u ‘Aghti Lsien’ (waqt il-Purcissjoni Ewkaristika fi tmiem il-Quddiesa).
Il-parrocca tax-Xaghra hija maghrufa ghall-mod dixxiplinat li bih torganizza l-Purcissjoni tal-Gimgha l-Kbira bi storja li tmur lura ghas-sena 1913 u li dejjem baqghet tizviluppa b’mod pozittiv matul is-snin. Il-kostumi rikki li jintuzaw waqt din il-manifestazzjoni esterna ta’ fidi pubblika fi Kristu Mejjet flimkien mas-serjeta’ tal-personaggi bibblici li jiehdu sehem u s-sett artistiku ta’ statwi tal-Passjoni li tippossedi l-Bazilika ta’ Marija Bambina jirrendu lil din il-purcissjoni bhala l-aktar wahda segwita f’Ghawdex u sahansitra f’Malta.
Kif isir ta’ kull sena, nhar it-Tlieta tal-Gimgha Mqaddsa, tigi organizzata laqgha importanti ta’ talb ghal dawk kollha li jippartecipaw f’din il-purcissjoni. Ghaldaqstant, din is-sena, din l-attivita’ saret nhar it-Tlieta 30 ta’ Marzu. Il-Kor Nativitas, akkumpanjat minn grupp ta’ kitarristi immexxija minn Silvana Agius, anima l-kant waqt din ic-celebrazzjoni penitenzjali li bdiet fis-7.00pm u ntemmet ghall-habta tat-8.00pm u kienet segwita bi struzzjonijiet u direttivi lil dawk prezenti mill-membri tal-Kumitat Festi tal-Ghid.
Il-Knisja Universali tibda l-Akbar Gimgha fis-Sena Liturgika taghha permezz tac-Celebrazzjoni ta’ Hadd il-Palm li tfakkar id-Dahla trijunfanti ta’ Kristu f’Gerusalemm. Hija prassi tal-Banda Victory tax-Xaghra u l-Kor Nativitas li, l-ghada tal-festa tradizzjonali ta’ Marija Addolorata u sussegwentement lejliet Hadd il-Palm, jigi organizzat Kuncert ta’ Muzika Sagra bil-ghan li jdahhalna aktar fl-ispirtu tal-Misteru tal-Fidwa taghna. Din is-sena, din l-attivita’ muzikali hadet zvolta gdida peress li ghall-ewwel darba fl-istorja, gie esegwit Kuncert kongunt bejn il-Banda tar-rahal taghna u l-Banda Cittadina u Dekana L’Isle Adam tar-Rabat Malta. Din is-sena, dawn iz-zewg baned qeghdin ifakkru zewg anniversarji importanti fl-izvilupp tal-istorja muzikali taghhom. Is-Socjeta’ Filarmonika Victory qed tikkommemora l-75 Anniversarju minn meta bdiet tiehu sehem fil-Purcissjoni annwali tal-Gimgha l-Kbira li tohrog mill-Kolleggjata Bazilika ta’ Marija Bambina filwaqt li l-Banda L’Isle Adam qed tfakkar b’ghozza eghluq il-125 Sena mit-twaqqif taghha.
Il-Kuncert sar darbtejn fuq xulxin – nhar is-Sibt 27 ta’ Marzu fis-7.30pm fis-Santwarju ta’ Marija Bambina u l-Hadd 28 ta’ Marzu fis-7.00pm fil-Knisja ta’ Santa Marija ta’ Gesu’ fir-Rabat tal-Imdina. Ghal dawn iz-zewg Kuncert, attendiet folla mdaqqsa ta’ nies u ammiraturi ta’ dawn iz-zewg baned stabbiliti. Waqt din l-attivita’, giet esegwita ghall-ewwel darba l-Cantata ‘It-Triq tas-Salib’, kliem ta’ Patri Marcello Ghirlando OFM u siehbu Patri Raymond Camilleri OFM u muzika tas-Surmast Mro. Joseph Galea LCM li b’kumbinazzjoni huwa wkoll is-Surmast Direttur ta’ dawn iz-zewg baned. Flimkien mal-bandisti, ha sehem ukoll il-Kor Nativitas u numru ta’ koristi Maltin. Il-cantata hija miktuba ghall-istrumenti tradizzjonali tal-banda flimkien mat-timpani u tubular bells b’partitura ghall-vucijiet maqsuma f’Kor SATB (Soprano, Alto, Tenor and Bass) u zewg solisti – tenur u baxx. Hija bicca xoghol sabiha mmens b’muzika tal-widna u allura, wiehed ma jistaghgibx li f’partijiet minnha, anke l-pubbliku prezenti kanta mal-Kor it-talb li jirrepeti ruhu f’kull stazzjon ta’ din il-Via Crucis kantata! Fuq kollox, din kienet ix-xewqa tal-kompozitur innifsu – li l-kongregazzjoni tippartecipa flimkien mal-Kor f’din il-meditazzjoni profonda.
Intant, il-Hadd filghodu, il-Kor Nativitas kien impenjat ukoll b’servizz importanti fil-Knisja ta’ San Frangisk (Belt Victoria). Fid-9.30am saret ic-Cerimonja tat-tberik tal-frieghi tal-palm u z-zebbug fuq iz-zuntier tal-Knisja segwita minn purcissjoni qasira madwar is-salib tal-pjazza. Fl-9.45am bdiet Koncelebrazzjoni li tmexxiet minn Patri George Attard OFM Konv., Gwardjan tal-Komunita’. Il-Kor kien immexxi mis-Sinjura Silvana Agius bl-akkumpanjament fuq l-orgni mill-Assistent Direttur Ivan Attard. Din ic-celebrazzjoni f’Hadd il-Palm fethet l-impenji tal-Kor Nativitas waqt il-funzjonijiet principali li jsawru din il-Gimgha Mqaddsa fit-tifkira solenni tal-Passjoni, il-Mewt u l-Qawmien tal-Feddej taghna Sidna Gesu’ Kristu.
Ftit tal-jiem ohra, il-Knisja Universali tidhol fl-Akbar Gimgha tas-Sena Liturgika – il-gimgha li tfakkar il-Misteru kbir tal-Passjoni, il-Mewt u l-Qawmien tal-Mulej Gesu’. F’dawn iz-zminijiet gheziez, kemm il-Kor Nativitas u anke s-Socjeta’ Filarmonika Victory tax-Xaghra jkunu impenjati b’diversi servizzi li jibdew minn nhar il-Gimgha 26 ta’ Marzu (Festa tad-Duluri) u jintemmu nhar il-Hadd 4 ta’ April (Hadd il-Ghid). Is-servizzi ser ikunu kif gej:
Il-Gimgha 26 ta’ Marzu: Festa devota u tradizzjonali ta’ Marija Addolorata.
6.00pm: Il-Banda Victory takkumpanja l-purcissjoni devota bl-istatwa artistika tad-Duluri (xoghol tad-ditta Luigi Guacci ta’ Lecce fl-Italja) matul it-toroq Vjal it-8 ta’ Settembru, Triq Marija Bambina, Triq il-Mithna, Triq l-Imqades, Triq Frangisk Camilleri, Pjazza l-Vitorja u lura lejn il-Bazilika ta’ Marija Bambina fejn issir Koncelebrazzjoni Solenni.
Is-Sibt 27 ta’ Marzu:
7.30pm: Fil-Knisja Bazilika ta’ Marija Bambina, isir Kuncert ta’ Muzika Sagra bis-sehem tal-Banda Victory u l-Banda Cittadina u Dekana L’Isle Adam tar-Rabat Malta. Waqt dan il-Kuncert, ser tigi esegwita l-Cantata “It-Triq tas-Salib”, kliem ta’ Patri Marcello Ghirlando u Patri Raymond Camilleri OFM u muzika tas-Surmast Mro. Joseph Galea LCM. Mro. Galea ser ikun qed jidderiegi liz-zewg baned, lis-solisti u lill-Kor Nativitas f’din is-serata kulturali.
Il-programm ikun taht il-patrocinju tal-E.T. Mons. Mario Grech, Isqof ta’ Ghawdex, u l-Onor. Dr. Chris Said LLD MP, Segretarju Parlamentari ghall-Affarijiet tal-Konsumatur, Kompetizzjoni Gusta, Kunsilli Lokali u Konsultazzjoni Pubblika.Waqt dan il-Kuncert, isiru xi diskorsi u prezentazzjonijiet kommemorattivi.
Il-Hadd 28 ta’ Marzu: Hadd il-Palm. Ftuh tal-Gimgha Mqaddsa.
Fil-Knisja ta’ San Frangisk (Belt Victoria):
9.15am: Tberik tal-frieghi tal-palm u z-zebbug fuq iz-zuntier tal-Knisja ta’ San Frangisk. Purcissjoni bis-Salib Rebbieh madwar il-Pjazza quddiem il-Knisja ta’ San Frangisk.
9.30am: Koncelebrazzjoni Solenni li tiftah il-Gimgha Mqaddsa mmexxija minn Patri George Attard OFM Konv., Gwardjan tal-Komunita’ Frangiskana. Janima l-Kor Nativitas.
7.00pm: Fil-Knisja ta’ Santa Marija ta’ Gesu’ fir-Rabat tal-Imdina, issir ir-ripetizzjoni tal-Kuncert ta’ Muzika Sagra li sar fil-jum ta’ qabel fil-Knisja Bazilika ta’ Marija Bambina. Dan ser ikun taht il-patrocinju distint tal-E.T. Mons. Tommaso Caputo, Nunzju Appostoliku ghall-Arcidjocesi ta’ Malta u d-Djocesi ta’ Ghawdex.
Il-Hamis 1 ta’ April: Hamis ix-Xirka.
Fil-Knisja ta’ San Frangisk:
6.30pm: Koncelebrazzjoni Solenni mmexxija minn Patri George Attard OFM Konv, Gwardjan tal-Komunita’ Frangiskana, li fiha jitfakkar it-twaqqif tal-Ewkaristija u s-Sacerdozju Ministerjali. Isir ir-rit tal-hasil tar-riglejn. Fi tmiem din il-Quddiesa, Gesu’ Ewkaristija jittiehed f’purcissjoni solenni mill-Altar Maggur ghall-Altar tar-Repozizzjoni fejn ikun prezenti ghall-venerazzjoni tal-Insara. Janima l-Kor Nativitas.
6.00pm: Il-Banda Victory tax-Xaghra tiehu sehem fil-purcissjoni-pageant tal-Gimgha l-Kbira li tohrog mill-Bazilika ta’ Marija Bambina. Il-Banda ssellem lil Gesu’ Kurcifiss bl-innu “Quddiem l-Imsallab” tas-Surmast Vincenzo Ciappara u wara takkumpanja l-purcissjoni bid-daqq ta’ marci funebri.
Is-Sibt 3 ta’ April: Sibt il-Ghid.
Fil-Knisja ta’ San Frangisk:
8.00pm: VGILI SOLENNI TAL-QAWMIEN TAL-MULEJ MILL-IMWIET – Tberik tan-nar il-gdid, mixeghla tal-Blandun, Thabbira tal-Ghid, Liturgija tal-Kelma, Kant Solenni tal-Glorja, Intonazzjoni Solenni tal-‘Hallelujah’, Tberik tal-Ilma, Liturgija tal-Maghmudija u Liturgija Ewkaristika. Jippresiedi l-W.R. Patri George Attard (Gwardjan) flimkien mal-Komunita’ Frangiskana ta’ beltna. Janima l-Kor Nativitas.
Il-Hadd 4 ta’ April: Solennita’ tal-Qawmien tal-Mulej mill-Imwiet.
Fil-Knisja ta’ San Frangisk:
9.30am: Koncelebrazzjoni Solenni ta’ Hadd il-Ghid animata mill-Kor Nativitas.
Mis-7.30pm ‘il quddiem: Il-Banda Victory takkumpanja d-dimostrazzjoni bl-istatwa ta’ Kristu Rxoxt fir-rahal taghna bid-daqq ta’ marci brijuzi.
Ahna nheggukom sabiex tippartecipaw f’dawn il-funzjonijiet u
minn dan is-sit elettroniku, nawgurawlkom l-Ghid it-tajjeb!!
Is-Socjeta’ Filarmonika Victory tax-Xaghra Ghawdex flimkien mal-Banda Cittadina L’Isle Adam tar-Rabat Malta ser itellghu Kuncert Muzikali li fih ser tigi esegwita l-Cantata “It-Triq tas-Salib”, kompozizzjoni tas-Surmast Mro. Joseph Galea LCM. F’dan il-Kuncert ser jiehu sehem il-Kor Nativitas tal-Banda Victory taht id-direzzjoni ta’ Silvana Agius u l-Assistent Direttur Ivan Attard. Il-programm muzikali ser isir nhar is-Sibt 27 ta’ Marzu 2010 fis-7.30pm fil-Knisja Kolleggjata, Bazilika u Santwarju ta’ Marija Bambina Inkurunata fix-Xaghra Ghawdex taht il-patrocinju ta’ l-Onor. Dr. Chris Said, Segretarju Parlamentari.
Dan il-Kuncert ser isir fl-okkazjoni tal-75 Anniversarju minn meta l-Banda Victory tax-Xaghra bdiet tiehu sehem fil-purcissjoni annwali tal-Gimgha l-Kbira li tohrog mill-Bazilika tax-Xaghra u l-125 Anniversarju mit-twaqqif tal-Banda L’Isle Adam.
Ripetizzjoni tal-istess Kuncert ser issir nhar il-Hadd 28 ta’ Marzu 2010, Hadd il-Palm, fil-Knisja ta’ San Guzepp fir-Rabat Malta. Il-hin ikun fis-7.00pm.
