Iccelebrat gheluq id-79 Anniversarju mill-Konsagrazzjoni tas-Santwarju Nazzjonali tal-Madonna ta’ Pinu

Nhar it-Tnejn 13 ta’ Dicembru 2010, is-Santwarju Nazzjonali tal-Madonna ta’ Pinu fakkar il-grajja storika tal-1931 meta l-Isqof ta’ dak iz-zmien, l-E.T. Mons . Michele Gonzi, ikkonsagra dan it-tempju Marjan filwaqt li dilek il-hitan tal-Knisja u l-altar-mejda biz-Zejt tal-Grizma. L-anniversarju tad-Dedikazzjoni tat-tempju hija l-akbar festa tal-Knisja tal-post – liturgikament, din il-festa hija aktar importanti mill-festa tat-titular tal-istess Knisja ghax tfakkar il-jum meta Alla gie jghammar f’dan il-post ghaziz. Dan is-Santwarju ewlieni fil-gzira taghna gie mbierek mis-sema bis-sejha li l-Vergni Marija ghamlet lix-xwejha Carmela Grima fil-jum tat-22 ta’ Gunju 1883. Minhabba f’din il-grajja mirakoluza, din il-Knisja saret centru ta’ devozzjoni Marjana u bosta huma dawk l-Ghawdxin, Maltin u barranin li jzuruha matul is-sena.

Il-festa tad-Dedikazzjoni ta’ dan it-tempju giet iccelebrata b’Quddies bl-omelija fis-Santwarju fis-7.00am u fit-8.30am. Fit-8.00am sar ukoll it-Talb tat-Tifhir ta’ Sbih il-Jum fil-Kappella tal-Madonna ta’ Pinu. Filghaxija, fis-6.00pm, gie recitat ir-Ruzarju u nghatat l-Barka Sagramentali. Fis-6.30pm bdiet Koncelebrazzjoni Solenni li tmexxiet mill-W.R. Dun Gerard Buhagiar, Rettur tas-Santwarju. Il-Liturgija giet animata mill-KorNativitas li, ghal din l-okkazjoni, esegwixxa l-innijiet ‘F’Dehra kbira ta’ gmiel u ta’ paci’ (Introjtu), ‘Kemm toghgobni d-Dar tieghek’ (Offertorju), ‘Gbartna Flimkien Mulej’ (Tqarbin) u ‘Lejn is-Santwarju ta’ Pinu’ (Gheluq). Giet kantata wkoll il-Missa De Angelis (Gregorjana) alternata mal-poplu. Ic-celebrazzjoni kienet imxandra b’mod dirett fuq Radju Marija.

Servizzi tal-Kor Nativitas matul l-istagun tal-festi tal-Milied u l-Ewwel tas-Sena

It-Tnejn 13 ta’ Dicembru: Solennita’ tad-79 Anniversarju mill-Konsagrazzjoni tas-Santwarju tal-Madonna ta’ Pinu.

6.30pm: Quddiesa Kantata fis-Santwarju tal-Madonna ta’ Pinu. Imexxi Dun Gerard Buhagiar, Rettur.

It-Tlieta 14 ta’ Dicembru: Tifkira tal-E.T. Mons. Isqof Nikol G. Cauchi.

6.30pm: Quddiesa Koncelebrata de requiem mmexxija mill-E.T. Mons. Isqof Mario Grech flimkien mas-sacerdoti Ghawdxin fis-Santwarju tal-Madonna ta’ Pinu.

L-Erbgha 15 ta’ Dicembru: L-Ewwel Jum tan-Novena tal-Milied.

6.30pm: Quddiesa kantata fil-Knisja ta’ San Frangisk.

Il-Hamis 23 ta’ Dicembru: L-Ahhar Jum tan-Novena tal-Milied.

6.30pm: Quddiesa kantata fil-Knisja ta’ San Frangisk.

Il-Gimgha 24 ta’ Dicembru: Lejliet il-Milied.

11.00pm: Servizz ta’ kant ta’ ghanjiet tradizzjonali tal-Milied fis-Santwarju ta’ Pinu.

11.30pm: Purcissjoni b’Gesu’ Bambin u Kant tas-Salmi tal-Ufficcju tal-Qari tal-Milied.

12.00am: Koncelebrazzjoni Solenni tal-Lejl Qaddis tal-Milied. Jippresiedi l-W.R. Dun Gerard Buhagiar, Rettur tas-Santwarju.

Is-Sibt 25 ta’ Dicembru: Jum is-Solennita’ tat-Twelid ta’ Sidna Gesu’ Kristu.

9.15am: Carol Singing fil-Knisja ta’ San Frangisk.

9.30am: Koncelebrazzjoni Solenni fil-Knisja ta’ San Frangisk.

Il-Hadd 26 ta’ Dicembru: Festa tal-Familja Mqaddsa ta’ Nazaret.

9.30am: Quddiesa kantata fil-Knisja ta’ San Frangisk.

L-Erbgha 29 ta’ Dicembru:

Mis-7.30pm ‘il quddiem: Attivita’ socjali ghall-membri tal-Kor Nativitas – Pizza flimkien f’Marsalforn. Dettalji jinghataw aktar ‘il quddiem.

Il-Hamis 30 ta’ Dicembru: L-Ewwel Jum tal-Kwaranturi fil-Parrocca tax-Xaghra.

5.30pm: Kant Solenni tal-Ghasar tal-Ewkaristija.

6.00pm: Koncelebrazzjoni Solenni bil-prietka tal-Ewwel Jum fil-Knisja Bazilika ta’ Marija Bambina.

Il-Gimgha 31 ta’ Dicembru: L-Ahhar Jum tas-Sena Civili.

6.30pm: Koncelebrazzjoni Solenni fil-Knisja ta’ San Frangisk li taghlaq bil-Kant tat-Te Deum fi tmiem is-sena.

Is-Sibt 1 ta’ Jannar: Solennita’ ta’ Marija Omm Alla.

9.15am: Carol Singing fil-Knisja ta’ San Frangisk.

9.30am: Koncelebrazzjoni Solenni fil-Knisja ta’ San Frangisk.

Il-Hadd 2 ta’ Jannar: Solennita’ tal-Epifanija tal-Mulej.

9.15am: Carol Singing fil-Knisja ta’ San Frangisk.

9.30am: Koncelebrazzjoni Solenni fil-Knisja ta’ San Frangisk.

Il-Hadd 9 ta’ Jannar: Festa tal-Maghmudija tal-Mulej.

9.30am: Quddiesa kantata fil-Knisja ta’ San Frangisk.

Il-Kor Nativitas jiehu sehem fin-Novena tal-Kuncizzjoni fil-Knisja tal-Patrijiet Frangiskani Konventwali tal-Belt Victoria

Ghal sena ohra konsekuttiva, il-Kor Nativitas gie mistieden mill-Komunita’ tal-Patrijiet Frangiskani Konventwali tal-Belt Victoria sabiex janima l-Liturgija Solenni tan-Novena bi preparazzjoni ghas-Solennita’ tat-Tnissil bla tebgha tal-Imqaddsa Vergni Marija li l-Knisja Kattolika ticcelebra nhar l-Erbgha 8 ta’ Dicembru. Din hija wahda mill-akbar festi li l-Knisja ticcelebra f’gieh il-Vergni Marija ghax tfakkar il-privilegg singolari li kellha l-Madonna sa mill-mument tal-koncepiment taghha fil-guf ta’ ommha Sant’Anna.

Ghal din l-okkazjoni, il-Kor Nativitas esegwixxa diversi innijiet liturgici li komplew jaghtu dehra solenni lil dawn il-jiem ta’ thejjija li kienu mmexxija minn Dun Geoffrey George Attard, Vici Parroku tal-Parrocca ta’ Marija Assunta fiz-Zebbug Ghawdex u l-W.R. Kan. Dun Gwann Sultana, Rettur tal-Knisja ta’ Sant’Anton Abbati fix-Xaghra. Gew esegwiti fost l-ohrajn il-‘Missa de Angelis’ (Gregorjana), il-‘Missa Orbis Factor’ (Gregorjana), il-‘Missa Pastorale’ (Mro. Nazzareno Refalo) u l-‘Quddiesa tal-Poplu t’Alla’ (Mro. Nazzareno Refalo). Fl-ahhar tlett ijiem, gew ukoll interpretati l-‘Ave Maria’ ta’ Charles Gonoud, l-‘Ave Maria’ tal-kompozitur Archadelt, l-‘Ave Maria’ ta’ Franz Schubert u l-‘Panis Angelicus’ ta’ Cesar Franck. Ic-celebrazzjoni kienet tintemm bil-Kant tal-Innu popolari ‘Lejna Hares’ segwit mill-Bews tar-Relikwija.

Il-Kor Nativitas kien taht id-direzzjoni tal-organista s-Sur Ivan Attard.

Is-Socjeta' Filarmonika Victory u l-Kor Nativitas jawguraw lill-E.T. Mons. Isqof Joseph Bonello OFM

Nhar it-Tnejn 22 ta’ Novembru 2010, il-Qdusija tiegħu Papa Benedittu XVI innomina lil Patri Joe Bonello OFM (Provinċja Franġiskana San Pawl Appostlu - Malta) bħala Isqof Koadjutur tad-djoċesi ta’ Juticalpa, Olancho, fil-Ħonduras.

Patri Joe Bonello OFM twieled ix-Xagħra, Għawdex, nhar l-4 t’April 1961, it-tielet minn erbat itfal tal-mibkija Victor u Nazzarena Sultana. Beda n-Novizzjat tiegħu mal-Patrijiet Franġiskani (OFM) fil-Kunvent ta’ Sant’Antnin, Għajnsielem, nhar it-2 t’Ottubru 1977. Għamel il-Professjoni temporanja nhar l-1 t’Ottubru 1978 u dik Solenni nhar it-28 t’Awissu 1983 fil-Knisja ddedikata lil Marija Bambina, ix-Xaghra. Wara li ġie ordnat Djaknu nhar id-29 ta’ Ġunju 1984 huwa kien ordnat saċerdot mill-Eċċ. Tiegħu Mons. Ġużeppi Mercieca nhar is-7 ta’ Lulju 1985 fil-Kon-Kattidral ta’ San Ġwann.

Patri Joe għamel l-istudji tiegħu fl-iskola Primarja tax-Xagħra, fl-iskejjel Sekondarji tax-Xagħra, Victoria u l-Ħamrun. Studja l-Filosofija u t-Tejoloġija fl-INSERM (Istitut Nazzjonali Studji Ekkleżjastiċi għar-Reliġjużi Maltin).

Immedjatament wara l-ordinazzjoni saċerdotali wettaq il-ministeru tiegħu bħala Promotur Provinċjali tal-Vokazzjonjiet u Mastru tal-Postulanti. F’dan iż-żmien ukoll kien Definitur Provinċjali tal-Provinċja Franġiskana Maltija San Pawl Appostlu.

Minn Settembru 1989 huwa qeda l-ministeru tiegħu bħala missjunarju fl-Amerika Ċentrali, fil-parroċċa ta’ Santa Ana de La Libertad fid-Djoċesi ta’ Comayagua. Sar Kappillan ta’ din il-parroċċa wara tliet snin bħala Viċi. Fil-ġranet li ġejjin ser jitlaq lejn Olancho fid-Djoċesi ta’ Juticalpa fejn ġie maħtur bħala Isqof Koadjutur. F’din id-Djoċesi hemm ukoll Patri Albert Gauci OFM mill-Għargħur.

Matul dan iż–żmien fil-Missjoni huwa kien maħtur għal tliet darbiet bħala Kunsillier għall-Amerika Ċentrali tal-Fundazzjoni tal-Provinċja Franġiskana tal-Immakulata Kunċizzjoni ta’ New York. Nhar it-13 ta’ Novembru 2009 ġie nominat Vigarju Ġenerali tad-Djoċesi ta’ Comayagua mill-Eċċ. Tiegħu Mons. Robert Camilleri OFM, Isqof ta’ Comayagua. Ta’ min jinnota li l-Isqof Camilleri kien l-ewwel Franġiskan li miegħu Patri Joe beda l-mixja vokazzjonali tiegħu, flimkien ma’ oħrajn, waqt laqgħat organizzati fil-Kunvent li l-Patrijiet Frangiskani għandhom f’Għajnsielem, Għawdex. L-Isqof Camilleri kien ukoll is-Surmast tan-Novizzjat meta Patri Joe kien novizz fil-Kunvent ta’ Sant’Antnin, Għawdex, kif ukoll wieħed mill-ewwel sħab li magħhom ħadem fil-missjoni flimkien ma’ Patri Angelo Falzon OFM.

Patri Joseph iddedika l-ħajja saċerdotali tiegħu għall-qadi tal-fidili fil-mixja tal-fidi tagħhom. Ħadem bla heda, b’mod sempliċi u konkret, b’risq id-dinjità tal-bniedem billi kien jippromwovi l-edukazzjoni, l-arti u l-formazzjoni fil-qasam tax-xogħol għaliex dejjem emmen u ħadem sabiex is-soċjetà tkun aktar umana u b’hekk tkun tista’ ssir aktar Nisranija.

Għażel bħala motto tiegħu l-frażi “Patientia Omnia Potest” (Is-sabar jista’ kollox), għaliex il-ħajja tgħallem li s-sabar huwa l-ogħla virtù biex twettaq il-ġid u tittama li tkun aħjar: “Xandar il-kelma, insisti f’waqtu u barra minn waqtu, ċanfar, widdeb, wissi, bis-sabar kollu u bit-tagħlim” (2Tim 4,2).

Is-Socjeta' Filarmonika Victory u l-Kor Nativitas isellmu lil dan huna, iben il-Parrocca tax-Xaghra, u jawgurawlu AD MULTOS ANNOS fil-Jum tal-Hatra tieghu bhala Isqof fil-Honduras. Huwa dover taghna li nakkumpanjaw lill-Isqof Joe Bonello bit-talb taghna sal-jum li fih jircievi l-Ordinazzjoni Episkopali u jigi mlibbes bl-insinji veskovili li huma c-curkett, il-mitra u l-baklu. ECCE SACERDOS MAGNUS!

Il-Kor Nativitas u s-Socjeta' Filarmonika Victory isellmu lill-E.T. Mons. Nikol G. Cauchi, Isqof Emeritus tad-Djocesi Ghawdxija

Nhar it-Tnejn 15 ta’ Novembru 2010 thabbret il-mewt tal-E.T. Mons. Nikol Guzeppi Cauchi, Isqof Emeritus tad-Djocesi ta’ Ghawdex, fl-eta’ ta’ 81 sena.

Mons. Cauchi twieled fl-Gharb Ghawdex nhar it-2 ta’ Marzu 1929. Sa minn eta’ zghira, Nikola dejjem wera x-xewqa li jsir sacerdot forsi anke minhabba l-fatt li missieru kien sagristan fil-Knisja Parrokkjali tal-Gharb u ghaldaqstant kien jghaddi hafna hin mieghu fil-Knisja biex jghinu fil-htigijiet ta’ kuljum. Biex ikompli jistudja din is-sejha ghall-qadi fil-Ministeru Sacerdotali, iz-zaghzugh Nikola beda l-istudji tieghu fis-Seminarju Magguri ta’ Ghawdex – kors ta’ studju ghal seba’ snin li eventwalment wasslu ghall-Ordinazzjoni Sacerdotali nhar id-29 ta’ Marzu 1952. Erba’ snin biss wara din il-grajja, Dun Nikola Cauchi gie mahtur Kappillan tal-Parrocca tal-Qalb ta’ Gesu’ fil-Fontana u kien ukoll assenjat sabiex jghallem il-Lingwa Taljana fis-Seminarju. Ghal diversi snin, Dun Nikola kien ukoll ghalliem tal-filosofija u s-socjologija fl-istess istituzzjoni.

Fl-1967, Dun Nikola Cauchi gie mahtur Isqof Awziljarju ta’ Ghawdex biex jassisti lill-Isqof ta’ dak iz-zmien, Mons . Guzeppi Pace, fil-htigijiet tad-Djocesi. Mons . Nikola ircieva l-Ordinazzjoni Episkopali tieghu fil-Knisja Katidrali ta’ Marija Assunta (Ghawdex) nhar id-9 ta’ April 1967 minn idejn l-E.T. Mons . Martin J. O Connor, Isqof titulari ta’ Laodicea u Nunzju Apostliku ghal Malta , assistit mill-E.T. Mons . Salvatore Nicolosi, Isqof ta’ Liparsi u l-E.T. Mons . Francesco Ricceri, Isqof ta’ Trapani . Fl-20 ta’ Lulju 1972, Mons . Nikol Cauchi gie mahtur Isqof ta’ Ghawdex. Huwa ghamel l-ingress solenni tieghu fil-Katidral u ha l-pussess tal-Kattedra Episkopali fil-Katidral ta’ Santa Marija nhar l-10 ta’ Settembru 1972.

Matul iz-zmien li ghadda bhala Amministratur Apostoliku u sussegwentament Isqof ta’ Ghawdex, Mons . Cauchi kien protagonist ewlieni f’diversi grajjiet kbar li sawru l-istorja tal-parrocca tax-Xaghra. Fl-1967, wara snin ta’ qtiegh il-qalb, Mons . Nikola Cauchi jitla’ Ruma u jgib minnhekk it-titlu ta’ BAZILIKA lill-Knisja Kolleggjata ta’ Marija Bambina. Dan it-titlu gie akkwistat sforz it-tahbit tieghu wara diversi konsultazzjonijiet li saru ma’ diversi ghaqdiet fil-parrocca. L-ahbar tal-ghoti tal-Bazilika thabbret lill-poplu tax-Xaghra nhar id-29 ta’ Awwissu 1967, l-ewwel jum tan-Novena tal-Bambina, minn Mons. Mikielang Xerri, dak iz-zmien Kancillier tal-Kurja Djocesana. Il-poplu tax-Xaghra laqa’ bil-ferh din l-ahbar u organizza carcarde kbir biex jaghti merhba lill-E.T. Mons . Nikol G. Cauchi mal-wasla tieghu lura f’Ghawdex.

Fl-1972, Mons. Nikol Cauchi ta l-kunsens tieghu biex, f’gheluq il-mitt sena mill-wasla tal-istatwa titulari ta’ Marija Bambina f’Ghawdex minghand id-ditta Galard et Fils ta’ Marsilja (Franza), din l-istess xbieha tigi sollennament inkurunata fil-prezenza ta’ diversi prelati u membri gholjin tal-awtoritajiet civili u ekklezjastici. Il-gurnata maghzula ghal din il-grajja kienet il-Hadd 2 ta’ Settembru 1973. Mons . Nikola Cauchi jibqa’ mfakkar b’ghozza kbira mill-poplu Xaghri ghal din il-grajja unika li tibqa’ tigi mfakkra bil-kbir ta’ kull sena u li ssigillat darba ghal dejjem ir-rabta li hemm bejn Marija Bambina u l-poplu li jghammar f’dan ir-rahal.

Nhar is-26 ta’ Novembru 2005 thabbar li l-Q.T. Papa Benedittu XVI kien accetta r-rizenja ta’ Mons . Nikol Cauchi minn Isqof ta’ Ghawdex u kien qed jahtar lil Dun Mario Grech, dakinhar Kappillan ta’ Kercem, bhala l-Isqof il-gdid tad-Djocesi taghna. Din l-ahbar fissret it-tmiem ta’ epoka twila ta’ 38 sena ghall-Knisja f’Ghawdex. Nhar il-Hadd 15 ta’ Jannar 2006, Mons . Nikola Cauchi iccelebra Koncelebrazzjoni Pontifikali ta’ Radd il-Hajr lil Alla ghall-grazzji msawwba fuq id-Djocesi taghna tul iz-zmien li hu dam imexxina bhalma raghaj imexxi l-merhla tieghu. Ghal din il-Quddiesa li nzammet fil-Katidral ta’ Marija Assunta, kien hemm prezenti diversi rapprezentanti tal-awtoritajiet civili u ekklezjastici flimkien ma’ prezenza qawwija ta’ sacerdoti u poplu Ghawdxi li flimkien raddew hajr lil Alla ghal dan il-Ministeru Episkopali li gie afdat f’idejn Mons . Nikola Cauchi. Gimgha wara dan l-avveniment, ezattament nhar il-Hadd 22 ta’ Jannar 2006, Festa liturgika ta’ San Pubbliju – l-ewwe Isqof ta’ Malta , Mons . Nikol Cauchi mexxa l-Ordinazzjoni Episkopali tas-successur tieghu, Mons . Mario Grech, assistit mill-E.T. Mons . Guzeppi Mercieca, dak iz-zmien Arcisqof ta’ Malta u l-E.T. Mons . Felix del Blanco Prieto, dak iz-zmien Nunzju Apostoliku ghal Malta .

Is-Socjeta' Filarmonika Victory flimkien mal-Kor Nativitas u l-ferghat l-ohra kollha tal-istess Socjeta' jixtiequ jwasslu l-kondoljanzi lill-familjari tal-E.T. Mons. Nikola Cauchi u lill-Knisja f'Ghawdex li llum hija iltima ghax tilfet lil wiehed mill-missirijiet spiritwali taghha. Ghaldaqstant, nhar l-Erbgha 17 ta' Novembru 2010, il-jum li fih ser tinghata l-ahhar tislima lil Mons. Isqof Nikola Cauchi, is-Socjeta' qed tiddikjarah bhala JUM TA' LUTTU bil-bnadar fuq il-kazin jittajru mezzasta. Is-Socjeta' ser tkun ukoll rapprezentata fil-funeral ta' Mons. Isqof Nikola Cauchi li ser isir fil-Knisja Katidrali ta' Marija Assunta u jibda fit-3.30pm. Il-Quddiesa ser titmexxa mill-E.T. Mons. Isqof Mario Grech assistit mill-E.T. Mons. Pawlu Cremona, l-E.T. Mons. Annetto Depasquale, l-E.T. Mons. Guzeppi Mercieca, l-E.T. Mons. Tommaso Caputo u diversi sacerdoti Ghawdxin u Maltin. Mons. Cauchi ser jindifen fil-Katidral stess, fil-Kappella tal-Kurcifiss tal-Agonizzanti fejn jinsab il-bust ta' Sant'Ursola, patruna ta' Ghawdex.

AGHTIH O MULEJ IL-MISTRIEH TA' DEJJEM ID-DAWL TA' DEJJEM JIDDI LILU, JISTRIEH FIL-PACI! AMEN!

Imfakkar il-104 Anniversarju mid-Dedikazzjoni tal-Knisja ta’ San Frangisk

Nhar l-Erbgha 10 u l-Hamis 11 ta’ Novembru 2010, il-Kor Nativitas inghaqad mal-komunita’ tal-Patrijiet Frangiskani Konventwali tal-Belt Victoria fic-celebrazzjoni solenni tal-104 Anniversarju mill-Konsagrazzjoni tal-Knisja ta’ San Frangisk. Ta’ min jghid li l-Anniversarju tad-Dedikazzjoni hija l-akbar festa li ghandha l-Knisja proprja ghax tfakkar il-jum solenni li fih Alla beda jghammar fil-bini permezz tad-dilka tal-hitan u l-artal biz-zejt imqaddes.

Il-funzjonijiet liturgici ta’ dawn il-jumejn kienu jikkonsistu fil-Kant tas-Salmi tal-Ghasar segwit minn Koncelebrazzjoni Solenni li tmexxiet mill-Gwardjan Patri Gorg Attard u mill-Provincjal Patri Samuel Chetcuti rispettivament. Kif inhi t-tradizzjoni f’din il-festa, gew incensati t-tnax-il salib tal-Konsagrazzjoni li jfakkruna fit-tnax-il Appostlu li fuq it-taghlim taghhom hija mibnija l-Knisja ta’ Kristu.

Jitfakkru l-membri mejtin tas-Socjeta’ Filarmonika Victory

Nhar l-Erbgha 3 ta’ Novembru 2010 saret it-tifkira tas-Surmastrijiet, bandisti, membri, socji u benefatturi mejtin tal-Banda Victory. Din hija talba annwali li ssir mill-Kumitat Centrali tas-Socjeta’ Filarmonika Victory maghqud mad-diversi ferghat fi hdan l-istess Banda. Peress li din is-sena ghadha kemm giet inawgurata l-estensjoni l-gdida tac-cimiterju parrokkjali tax-Xaghra, din ic-celebrazzjoni hadet zvolta differenti.

Fis-6.00pm telaq pellegrinagg ta’ talb bir-Ruzarju minn fuq iz-zuntier tal-Knisja Bazilika ta’ Marija Bambina ghac-cimiterju parrokkjali. Dan il-pellegrinagg tmexxa mill-W.R. Kan. Dun Guzepp Cini, Assistent Direttur Spiritwali tas-Socjeta’. Mal-wasla fic-cimiterju ghall-habta tas-6.30pm, saret Quddiesa kantata de requiem fil-Kappella ta’ Marija Addolorata f’dan ic-Cimiterju. Prezenti ghal din ic-celebrazzjoni kien hemm il-membri tal-Kumitat Centrali u xi bandisti. Il-Kor Nativitas anima din ic-celebrazzjoni funebri fejn esegwixxa diversi innijiet liturgici.

Ic-cerimonja ta’ kommemorazzjoni giet fi tmiemha bi tqeghid ta’ bukketti fuq l-oqbra ta’ xi Surmastrijiet, Diretturi Spiritwali u bandisti midfuna f’dan ic-Cimiterju.

Il-Kor Nativitas fl-Ghid tal-Imwiet

Nhar it-Tlieta 2 ta' Novembru 2010, il-Knisja Universali ccelebrat it-Tifkira Solenni tal-Fidili Mejtin Kollha. Permezz ta' din it-tifkira, il-Knisja trid tikkommemora lil hutna nsara li telqu qabilna bis-sinjal tal-fidi li hadu fil-Maghmudija imma li ghadhom qed jissaffew fil-Purgatorju biex jidhlu safja minn kull tebgha jgawdu l-wicc ta' Alla ghall-eternita'. F'din il-gurnata, kull sacerdot jista' jiccelebra tliet Quddisiet; wahda joffriha skont l-intenzjoni personali tieghu, l-ohra ghall-fidili mejtin kollha u t-tielet wahda skont il-fehma tal-Papa.

Il-Kor Nativitas anima l-Koncelebrazzjoni Solenni tas-6.30am fil-Knisja Kolleggjata u Bazilika ta' Marija Bambina fix-Xaghra. Il-Kor esegwixxa l-Missa Pro Defunctis flimkien ma' innijiet liturgici ohra li jesprimu tama f'hajja li ma tintemmx b'rabta mal-Misteru tal-Ghid tal-Mulej. Ic-celebrazzjoni ntemmet bit-tberik tal-oqbra fl-istess Knisja li fihom hemm jistriehu l-fdalijiet tal-antenati taghna. Din l-Ewkaristija tmexxiet mill-W.R. Mons. Arcipriet Carmelo Refalo.

Imfakkar l-Anniversarju mit-Twaqqif tas-Socjeta' Filarmonika Victory (1898-2010)

Nhar it-Tnejn 25 ta’ Ottubru 2010, is-Socjeta’ Filarmonika Victory tax-Xaghra Ghawdex fakkret gheluq il-112-il sena mit-twaqqif taghha. Din is-socjeta’ giet imwaqqfa nhar il-25 ta’ Ottubru 1898 bit-thabrik u l-inizjattiva tal-Arcipriet Xaghri ta’ dak iz-zmien, Dun Guzepp Diacono, u taht id-direzzjoni tas-Surmast Eduardo Farina. Ta’ kull sena, il-Kumitat Central ital-Banda jhoss id-dmir li jfakkar din id-data glorjuza fl-annali tas-Socjeta’ nnifisha u tar-rahal tax-Xaghra. Huwa fatt li din id-data tfakkar it-twelid tal-ikbar ghaqda mhux governattiva li nsibu fil-lokalita’ taghna.

Ghal dan il-ghan, il-Kumitat ha hsieb li ghal sena ohra jiccelebra Quddiesa ta’ Radd il-Hajr lil Alla fil-Knisja Kolleggjata u Bazilika ta’ Marija Bambina fix-Xaghra. Din ic-celebrazzjoni tal-Ewkaristija bdiet fis-7.00pm u kienet immexxija mill-W.R. Mons. Arcipriet Carmelo Refalo flimkien mal-W.R. Kan. Dun Guzepp Cini, Assistent Direttur Spiritwali tal-istess Socjeta’. Kif kien verament jixraq, il-Kor Nativitas fi hdan l-istess Socjeta’ anima din ic-celebrazzjoni.

Prezenti ghal din il-Quddiesa kantata, kien hemm il-membri tal-Kumitat attwali tas-Socjeta’. F’messagg qasir li ghamel ghal din l-okkazjoni, Mons. Arcipriet sahaq dwar il-bzonn li nkomplu nsostnu lil din is-Socjeta’ fit-tixrid tal-arti muzikali u semma l-htiega li jkollna alljievi (studenti li jitghallmu l-Banda) godda biex din is-Socjeta’ tibqa’ hajja u attiva fid-diversi oqsma tal-parrocca tax-Xaghra.

Intant, kif inhi d-drawwa fil-bidu tax-xahar ta’ Novembru, is-Socjeta’ Filarmonika Victory ser tfakkar is-Surmastrijiet, bandisti, membri, socji u benefatturi mejtin taghha. Din ic-celebrazzjoni ser issir nhar l-Erbgha 3 ta’ Novembru 2010. Fis-6.00pm jitlaq pellegrinagg ta’ talb bir-Ruzarju minn fuq iz-zuntier tal-Knisja Bazilika ghac-cimiterju parrokkjali. Fis-6.30pm tigi ccelebrata Quddiesa funebri b’talb ghas-suffragju tal-Erwieh tal-Purgatorju fil-Kappella tad-Duluri fic-cimiterju tax-Xaghra. Din l-Ewkaristija titmexxa mill-W.R. Kan. Dun Giljan Refalo Rapa, Direttur Spiritwali tas-Socjeta', assistit mill-W.R. Kan. Dun Guzepp Cini, Assistent Direttur Spirtwali tal-Banda. Il-Liturgija tkun animata mill-Kor Nativitas. Wara, isir tqeghid ta’ bukketti ta’ ward fuq l-oqbra ta’ xi bandisti mejtin midfuna f’dan il-post sagru. Kulhadd huwa mistieden biex jattendi ghal din il-gabra ta’ talb ghall-gheziez taghna mejtin fix-xahar iddedikat lilhom.

Il-Kor Nativitas b’servizz fil-Knisja ta’ Gesu’ Nazzarenu

Nhar it-Tlieta 12 ta’ Ottubru 2010, il-Kor Nativitas gie mistieden sabiex jippartecipa fil-festa ta’ Kristu Sultan tal-Holqien Kollu fil-komunita’ tan-Nazzarenu billi janima l-Quddiesa Solenni tas-7.00pm. Ghal din l-Ewkaristija li tmexxiet mill-W.R. Dun Anton Theuma, kienu mistiedna s-Sorijiet Ursolini li jiehdu hsieb il-crèche tat-tfal f'tas-Sliema. Numru sabih ta’ adoloxxenti u zghazagh mill-komunita’ tan-Nazzarenu ghamlu esperjenza ta’ volontarjat matul is-Sajf 2010 qalb dawn is-sorijiet.

Il-Kor Nativitas kanta diversi innijiet liturgici fosthom l-‘Innu lil Kristu Sultan’, muzika ta’ Mro. Carmel P. Grech u kliem ta’ Dun Daniel Xerri, u l-Quddiesa Gregorjana De Angelis bil-partecipazzjoni tal-kongregazzjoni migbura. Id-direzzjoni muzikali kienet f’idejn is-Sur Ivan Attard li akkumpanja bl-orgni lill-istess Kor waqt din il-Quddiesa.

Il-membri tal-Kor jixtiequ jawguraw

IL-FESTA T-TAJBA lill-komunita’ kollha tan-Nazzarenu!