Servizzi ghax-xahar ta' Awwissu 2009

Dawn huma s-servizzi li ser ikollu l-Kor Nativitas matul ix-xahar ta' Awwissu:

L-Erbgha 5 ta' Awwissu: L-Erbatax-il Erbgha ta' Santa Marija.

5.30pm: Quddiesa bil-prietka dwar il-virtujiet tal-Vergni Mbierka mmexxija mill-W.R. Dun Gerard Buhagiar, Rettur tas-Santwarju Nazzjonali tal-Madonna ta' Pinu. Il-Quddiesa tkun imxandra dirett fuq Radju Marija 102.3 FM.

L-Erbgha 12 ta' Awwissu: Il-Hmistax u l-ahhar Erbgha ta' Santa Marija.

5.30pm: Koncelebrazzjoni Solenni li taghlaq dawn l-Erbghat devozzjonali bi thejjija ghas-Solennita' tat-Tlugh fis-Sema ta' Marija Santissima. Il-Quddiesa tkun imxandra dirett fuq Radju Marija 102.3 FM.

Il-Gimgha 14 ta' Awwissu: Lejliet is-Solennita' tat-Tlugh fis-Sema tal-Vergni Marija.

8.30pm: Velja ta' talb aux flambaux u Koncelebrazzjoni Solenni tal-Vgili mmexxija mill-E.T. Mons. Isqof Mario Grech quddiem is-Santwarju Nazzjonali tal-Madonna ta' Pinu. Il-pellegrinagg bil-kwadru-replika tal-Madonna ta' Pinu jitlaq minn hdejn is-sigra awrikarja ta' l-Gharb u jintemm quddiem is-Santwarju fejn tigi ccelebrata Quddiesa bit-talb tas-salmi. Il-funzjoni tkun imxandra dirett fuq Radju Marija 102.3 FM u stazzjonijiet komunitarji ohra.

Bejn il-Gimgha 28 u t-Tnejn 31 ta' Awwissu: L-ewwel erbat ijiem tan-Novena tal-festa titulari ta' Marija Bambina.

7.30pm: Il-Kor Nativitas jinghaqad ma' korijiet ohra li nsibu fil-parrocca tax-Xaghra biex janima l-Liturgija tan-Novena bi thejjija ghall-jum tat-8 ta' Settembru.

Il-Kor Nativitas mistieden jippartecipa fil-Velja ta' l-Ghid ta' l-Assunta

Il-Kor Nativitas gie mistieden formalment mill-W.R. Dun Gerard Buhagiar, Rettur tas-Santwarju Nazzjonali tal-Madonna ta' Pinu sabiex janima l-Velja ta' l-Ghid ta' l-Assunta li bhal ma gara f'dawn l-ahhar snin, ser issir quddiem dan is-Santwarju nhar il-Gimgha 14 ta' Awwissu 2009, Vgili tas-Solennita' tat-Tlugh fis-Sema ta' l-Imqaddsa Vergni Marija, mit-8.30pm 'il quddiem. Il-velja tibda b'pellegrinagg ta' talb bil-kwadru-replika tal-Madonna ta' Pinu minn hdejn is-sigra awrikarja fl-Gharb u jintemm bit-talb tas-salmi u l-Koncelebrazzjoni Solenni ppreseduta mill-E.T. Mons. Mario Grech, Isqof tad-Djocesi ta' Ghawdex. Flimkien mal-Kor Nativitas ser ikun hemm prezenti xi koristi ohra. Il-funzjoni tkun taht id-direzzjoni ta' Silvana Agius (Direttrici tal-Kor) u l-organista Ivan Attard (Assistent Direttur). Il-velja ser tkun imxandra wkoll fuq Radju Marija (102.3FM) u stazzjonijiet komunitarji ohra. Aktar dettalji dwar din l-attivita' nghadduhom fil-jiem u l-gimghat li gejjin. Inheggukom sabiex thallu din il-gurnata libera halli tkunu tistghu tinghaqdu maghna fic-celebrazzjoni tal-Vgili ta' l-Ghid ta' l-Assunta quddiem is-Santwarju tal-Madonna ta' Pinu!

Il-Kor Nativitas jawgura lis-sacerdot novell Dun Joseph Curmi

Ghada l-Hadd 12 ta’ Lulju 2009, ir-rahal tax-Xaghra ser jilbes il-libsa tal-festa sabiex jifrah mas-sacerdot novell Dun Joseph Curmi fl-okkazjoni ta’ l-Ewwel Quddiesa Solenni tieghu fil-Bazilika ta’ Marija Bambina. Din il-Quddiesa tkun wahda ta’ ringrazzjament lil Alla ghad-don tas-sacerdozju ministerjali.

Joseph Curmi, iben Peter u Maria nee Apap, twieled ix-Xaghra Ghawdex nhar il-11 ta’ Novembru 1984. Huwa attenda l-Iskola tas-Sorijiet Frangiskani tal-Qalb ta’ Gesu’ u aktar tard l-Iskola Primarja Patri Mattew Sultana. Kien f’dan iz-zmien li hu beda jhoss li ghandu jaghti servizz lill-Knisja billi jkun abbati u jservi l-Altar Imqaddes. Joseph issieheb mal-grupp ta’ l-Abbatini tal-parrocca taghna. Huwa kompla bl-edukazzjoni sekondarja tieghu fis-Seminarju Minuri tal-Qalb Imqaddsa ta’ Gesu’ u aktar tard bl-edukazzjoni post-sekondarja fl-Iskola ghal Studji Avvanzati Sir Mikelang Refalo. F’dan iz-zmien bejn l-adoloxxenza u z-zghozija, huwa beda jattendi l-laqghat ta’ formazzjoni u l-irtiri tal-Grupp tal-Vokazzjonijiet tal-parrocca tax-Xaghra taht id-direzzjoni ta’ Mons. Ewkaristiku Sultana, dak iz-zmien Arcipriet tal-Parrocca. Dan iz-zmien ta’ dixxerniment wasslu ghad-decizjoni li jidhol is-Seminarju biex jistudja sewwa l-vokazzjoni tieghu. Fis-Sajf tas-sena 2002, Joseph ressaq talba formali lill-E.T. Mons. Isqof Nikol G. Cauchi sabiex ikun jista’ jibda l-kors ta’ formazzjoni filosofika-teologika li jwasslu ghall-ordinazzjoni presbiterali. It-talba tieghu giet accettata u f’Settembru ta’ dik is-sena, Joseph sar seminarista. Matul iz-zmien tas-Seminarju, huwa ghamel diversi esperjenzi ta’ pastorali f’diversi parrocci Ghawdxin fosthom ma’ grupp ta’ adoloxxenti mill-Munxar u l-Grupp tal-Vokazzjonijiet tal-parrocca ta’ San Gorg (Victoria). Bejn Settembru 2005 u Awwissu 2006, Joseph ghamel l-esperjenza tieghu tas-Sena Intermedjarja fil-missjoni tal-Peru’ fejn jinsab is-sacerdot Ghawdxi, Fr. Raymond Portelli (min-Nadur). Din is-sena ‘barra’ ghenitu jaghraf ahjar dak li l-Mulej ried minn hajtu. Fil-hames sena ta’ formazzjoni fis-Seminarju, ezattament nhar is-Sibt 10 ta’ Frar 2007, Solennita’ tan-Nawfragju ta’ San Pawl f’Malta, Mons. Isqof Mario Grech tah il-ministeru tal-Lettorat fil-Knisja Parrokkjali tal-Munxar waqt Pontifikal Solenni. Din l-esperjenza wasslitu sal-gurnata tal-Hadd 16 ta’ Dicembru 2007, it-tieni jum tan-Novena tal-Milied meta, waqt Koncelebrazzjoni Solenni fil-Kolleggjata-Bazilika ta’ Marija Bambina, l-E.T. Mons. Isqof Mario Grech istitwixxa l-Ministeru ta’ l-Akkolitat lis-seminarista Joseph Curmi – ministeru li ghamlu b’mod permanenti ministru straordinarju tat-Tqarbin. Joseph kompla bl-esperjenza tieghu ma’ diversi gruppi fi hdan parrocci differenti f’Ghawdex. Nhar il-Gimgha 27 ta’ Gunju 2008, fil-Knisja Katidrali, is-seminarista Joseph gie ordnat Djaknu minn idejn l-E.T. Mons. Isqof Mario Grech. Id-Djaknu Rev. Joseph Curmi ghamel l-esperjenza tad-Djakonat fil-Parrocca ta’ San Lawrenz fejn hemm zewg sacerdoti Xaghrin jaqdu l-ministeru taghhom ta’ raghajja ta’ l-erwieh – Dun Injazju Borg (Kappillan) u Dun Charles Sultana (Vici-Parroku). Nhar is-Sibt 13 ta’ Gunju 2009, lejliet is-Solennita’ tal-Gisem u d-Demm tal-Mulej, id-Djaknu Joseph Curmi gie ordnat sacerdot ghal dejjem permezz tar-rit tat-tqeghid ta’ l-idejn ta’ l-E.T. Mons. Mario Grech, Isqof Djocesan. Ghal diversi snin, Joseph kien ukoll wiehed mill-organisti principali tal-Knisja Bazilika ta’ Marija Bambina.

PROGRAMM TA’ L-EWWEL QUDDIESA SOLENNI – IL-HADD 12 TA’ LULJU 2009

9.00am: Marc mill-Banda Victory minn quddiem ir-residenza privata ta’ Dun Joseph Curmi fi Triq Spiera ghall-Knisja Kolleggjata u Bazilika ta’ Marija Bambina.

9.30am: Dhul solenni tas-sacerdot novell fil-Bazilika. Kant ta’ l-Innu Tu Es Sacerdos u vizta lil Gesu’ Ewkaristija. Koncelebrazzjoni Solenni ppreseduta mill-W.R. Dun Joseph Curmi assistit mir-Reverendu Kapitlu u Kleru tal-Kolleggjata taghna flimkien ma’ diversi sacerdoti Maltin u Ghawdxin. Jiehu sehem il-Kor Jesus of Nazareth ta’ Tas-Sliema (Malta) flimkien ma’ rapprezentanti tal-korijiet Xaghrin, fosthom il-Kor Nativitas. Id-direzzjoni muzikali tkun f’idejn il-Kan. On. Mro. Patri Salv Galea O.P.

Wara l-Quddiesa, jibda riceviment kbir adunur is-sacerdot novell fil-bitha principali ta’ l-Iskola Primarja Patri Mattew Sultana fi Triq it-Tigrija.

Dun Joseph Curmi u l-familja tieghu ghandhom rabta specjali mal-Kor Nativitas ghall-fatt li huh, il-W.R. Dun Michael Curmi serva bhala l-ewwel Direttur Muzikali tal-Kor bejn April 1999 u Gunju 2006.

ID-DIRETTRICI TAL-KOR SILVANA AGIUS, L-ASSISTENT DIRETTUR U ORGANISTA IVAN ATTARD U L-MEMBRI KOLLHA TAL-KOR NATIVITAS JIXTIEQU JAWGURAW LIS-SACERDOT NOVELL DUN JOSEPH CURMI

AD MULTOS ANNOS!!

Servizzi u Attivitajiet tal-Kor ghal matul ix-xahar ta' Lulju

Qeghdin inhabbru b'mod ufficjali s-servizzi u l-attivitajiet l-ohra ser ikollu l-Kor Nativitas matul dan ix-xahar ta' Lulju.

- L-Erbgha 1 ta' Lulju: 5.30pm Quddiesa tad-Disa' Erbgha ta' Santa Marija fis-Santwarju Nazzjonali tal-Madonna ta' Pinu.

- L-Erbgha 8 ta' Lulju: 5.30pm Quddiesa ta' l-Ghaxar Erbgha ta' Santa Marija fis-Santwarju Nazzjonali tal-Madonna ta' Pinu.

- Il-Gimgha 10 ta' Lulju: 7.00pm Bar-B-Q kbir ghall-membri tal-Kor hdejn il-breakwater tal-bajja ta' Marsalforn. Dan il-BBQ qed ikun organizzat mid-Diretturi bhala ringrazzjament lill-membri tal-Kor ghall-hidma taghhom matul is-sena.

- Il-Hadd 12 ta' Lulju: 9.30am L-Ewwel Quddiesa Solenni tas-sacerdot novell Fr. Joseph Curmi fil-Knisja Bazilika ta' Marija Bambina. Il-Kor Nativitas jinghaqad mal-Kor Jesus of Nazareth tas-Sliema (Malta) u korijiet ohra lokali fl-esekuzzjoni tal-Quddiesa bis-sehem ta' l-orkestra taht id-direzzjoni tal-Kan. On. Patri Salvatore Galea O.P.

- L-Erbgha 15 ta' Lulju: 5.30pm Quddiesa tal-Hdax-il Erbgha ta' Santa Marija fis-Santwarju Nazzjonali tal-Madonna ta' Pinu.

- Il-Hamis 16 ta' Lulju: 7.00pm Koncelebrazzjoni Solenni li tinkludi l-Kant tat-Tieni Ghasar fil-Knisja tal-Madonna tal-Karmnu fix-Xlendi fl-okkazjoni tal-festa liturgika tat-titular.

- L-Erbgha 22 ta' Lulju: 5.30pm Quddiesa tat-Tnax-il Erbgha ta' Santa Marija fis-Santwarju Nazzjonali tal-Madonna ta' Pinu.

- Il-Hadd 26 ta' Lulju: Matul in-nofs ta' nhar ta' filghodu, ser inzuru l-Kappella ta' Sant'Anna fid-Dwejra fl-okkazjoni tal-festa liturgika taghha. Niehdu sehem fis-sagrificcju tal-Quddiesa.

- L-Erbgha 29 ta' Lulju: 5.30pm Quddiesa tat-Tlettax-il Erbgha ta' Santa Marija fis-Santwarju Nazzjonali tal-Madonna ta' Pinu.

Kif wiehed jista' jara, il-Kor Nativitas ser ikun impenjat b'diversi attivitajiet matul dan ix-xahar ta' Lulju. Ahna nawguraw li l-attivitajiet kollha jkunu success!!

Kuncert Muzikali Kbir fis-Santwarju tal-Madonna ta' Pinu

Il-Kor Nativitas dejjem ta importanza kbira lill-attivitajiet kulturali u muzikali li jittellghu fil-gzira Ghawdxija. Bhalma jghid tajjeb hafna l-motto tal-Kor, l-ghan taghna huwa li naghtu l-hajja lill-muzika u lill-kant. Ghall-beneficcju ta' kulhadd, qeghdin nippubblikaw online l-poster ufficjali tal-Kuncert Muzikali li ser jittella' llum il-Gimgha 3 ta' Lulju 2009 fis-7.30pm fis-Santwarju Nazzjonali tal-Madonna ta' Pinu minn Kor kbir Amerikan. Il-kuncert jiehu madwar siegha u d-dhul huwa b'xejn. Inheggu lil kulhadd biex jattendi.

Il-Kor Nativitas isellem il-memorja ta' Mro. Emmanuel Bugeja

Il-Kor Nativitas jinghaqad mal-ferghat kollha fi hdan is-Socjeta' Filarmonika Victory u jesprimi s-soghba tieghu ghall-mewt tas-Surmast Emmanuel Bugeja li ghadda ghall-hajja ta' dejjem nhar il-Hadd 28 ta' Gunju 2009. Fl-arkivju tal-Banda taghna nsibu diversi marci brijuzi mill-pinna ta' dan il-kompozitur celebri u ghaldaqstant huwa xieraq li naghtuh it-tislima taghna ghan-nom tas-Socjeta' ewlenija fl-irhula Ghawdxin.

Avviz: BBQ ghall-membri tal-Kor Nativitas

Bi pjacir inhabbru l-ewwel attivita' tas-Sajf ghall-Kor Nativitas. Din ser tkun tikkonsisti f'BBQ kbir.

Dan il-BBQ ser isir hdejn il-breakwater tal-bajja ta' Marsalforn nhar il-Gimgha 10 ta' Lulju 2009 mit-8.00pm 'il quddiem.

Dan il-BBQ isir b'turija ta' ringrazzjament ghax-xoghol volontarju li jwettqu l-koristi matul is-sena.

Il-Kor Nativitas fis-Sena Pawlina - Festi Centinarji f'Marsalforn Jannar 2009

Ftit tal-gimghat ilu thabbar ufficjalment li nhar it-Tnejn 29 ta’ Gunju 2009, Solennita’ tal-Martirju ta’ l-Appostli San Pietru u San Pawl, l-Eminenza tieghu l-Kardinal Ennio Antonelli, delegat tal-Papa Benedittu XVI, ser jippresiedi Pontifikal Solenni fil-pjazza ta’ quddiem il-Kon-Kattidral ta’ San Gwann fil-Belt Valleta li permezz tieghu jtemm ufficjalment is-Sena Pawlina. Id-direzzjoni tal-Kor Nativitas hasbet li bhala tifkira ta’ din is-sena, tikteb rapport tas-sehem li ta l-Kor fil-Festi Centinarji ta’ San Pawl li gew iccelebrati fil-Knisja u l-bajja ta’ Marsalforn bejn il-Hamis 15 u l-Hadd 25 ta’ Jannar 2009. Kienu festi tassew sbieh li baqghu fuq fomm kulhadd ghal bosta gimghat wara li ntemmu – is-success kien dovut ghall-hidma qawwija li wettaq il-Kan. Dun Mikiel Borg fl-ewwel ftit xhur tar-Rettorat tieghu u ghall-koordinazzjoni li ntweriet minn dawk kollha nvoluti, fosthom il-Kor Nativitas u l-Chorus Unda Maris li kien ghadu fil-bidu ta’ l-ezistenza tieghu u llum, hames xhur wara, b’sodisfazzjon qeghdin narawh jimmatura bil-mod il-mod.

L-Assistent Direttur tal-Kor taghna, Ivan Attard, hadem hafna f’kollaborazzjoni mar-Rettur tal-Knisja biex issawwar il-programm tal-festa solenni f’gieh l-Appostlu Missierna San Pawl fil-jiem tat-tifkira tal-Konverzjoni u n-Nawfragju tieghu. Il-Kor Nativitas gie mistieden mill-Kan. Borg sabiex janima t-tlett ijiem tat-Tridu li saru bejn l-Erbgha 21 u l-Gimgha 23 ta’ Jannar. Il-funzjoni ta’ filghaxija kienet tikkonsisti fil-Kant ta’ l-Ghasar, Koncelebrazzjoni Solenni bil-prietka tat-Tridu mill-Kan. On. Dun Joseph Sultana, Vigarju Parrokkjali tal-Parrocca tal-Katidral, Kurunella, Antifona u Celebrazzjoni Ewkaristika. Il-Kor Nativitas thejja tajjeb hafna ghal dawn it-tliet servizzi wara xulxin u dan deher car mill-interpretazzjoni tajba li harget waqt it-Tridu Pawlin. Nhar l-Erbgha 21 ta’ Jannar, il-Koncelebrazzjoni ta’ filghaxija tmexxiet mill-W.R. Dun Guzepp Cini, sacerdot li jghin fil-pastorali tan-nies li jiffrekwentaw il-knisja ta’ Marsalforn. Ghal din l-okkazjoni, il-Kor kanta l-Missa Cantate Domino ta’ Mro. Giuseppe Oltrasi. Din il-Quddiesa regghet giet esegwita nhar il-Gimgha 23 ta’ Jannar fic-celebrazzjoni ta’ l-ahhar jum tat-Tridu. Fil-gurnata tal-Hamis 22 ta’ Jannar, jum immarkat bil-festa ghaziza ta’ San Pubbliju (l-ewwel isqof ta’ Malta), il-Kor esegwixxa l-Quddiesa De Angelis (Kant Gregorjan). Matul dawn it-tlitt ijiem gew esegwiti wkoll bosta innijiet religjuzi u tliet salmi responsorjali kantati fit-totalita’ taghhom.

Is-sehem tal-Kor Nativitas fil-festi Centinarji ta’ San Pawl f’Marsalforn, festi li fakkru l-bi-millenarju mit-twelid ta’ l-Appostlu tal-Gnus, kien certament l-aqwa monument ghalina fis-Sena Pawlina. Minn dan il-blog taghna, insellmu lir-Rettur il-Kan. Kappillan Dun Mikiel Borg ghall-istedina li ghamlilna, stedina li rrepetiet ruhha fil-funzjonijiet tat-Tridu Solenni ta’ l-Ghid il-Kbir u li ahna lqajna bil-ferh. Nawguraw li din il-kollaborazzjoni ta’ bejnietna tkompli tikber u tissahhah ghall-ikbar glorja ta’ Alla.

Ghal aktar taghrif dwar l-attivita’ pastorali fil-Knisja ta’ Marsalforn, inheggukom izzuru l-blog http://marsalfornchurch.blogspot.com/. Ir-ritratt li jidher fil-bidu ta' dan l-artiklu juri lill-Kor Nativitas waqt il-funzjoni ta' l-ahhar Jum tat-Tridu Pawlin.

Il-Kor Nativitas jippartecipa fil-Festa tas-Sejha tal-Madonna ta' Pinu

Fuq stedina tal-W.R. Dun Gerard Buhagiar, Rettur tas-Santwarju Nazzjonali tal-Madonna ta’ Pinu, il-Kor Nativitas bi pjacir ha sehem fil-festa devozzjonali u popolari tas-Sejha tal-Madonna ta’ Pinu lil Carmela Grima u Frangisku Portelli. Il-Kor Nativitas ilu jaghti servizz regolari fis-Santwarju ta’ Pinu sa mis-sena 2005 meta ghall-ewwel darba fl-istorja tieghu, anima l-Koncelebrazzjoni tal-Lejl Qaddis tal-Milied – dak iz-zmien taht id-direzzjoni tas-Seminarista Michael Curmi.

L-ewwel servizz tal-Kor matul din il-festa kien nhar is-Sibt 20 ta’ Gunju 2009. F’dan il-jum fakkarna l-grajja storika tas-sena 1935 meta l-Kardinal Lepicier, delegat tal-Papa Piju XI, zar is-Santwarju tal-Madonna ta’ Pinu u pogga kuruna ta’ deheb u hagar prezzjuz fuq ras il-Madonna fil-kwadru taghha; l-istess xbieha li fl-1883 kellmet lil Karmni Grima. Il-grajja ta’ l-inkurunazzjoni hija wahda specjali hafna u jkun verament jixraq li tibqa’ tigi mfakkra b’mod solenni matul is-snin. Kif stqarr l-E.T. Mons. Isqof Nikol G. Cauchi fl-omelija tal-Pontifikal ta’ din it-tifkira, meta l-Knisja tinkuruna xbieha tal-Madonna, hija tkun trid tfisser il-htiega li verament inpoggu lil Marija regina ta’ qlubna u ta’ hajjitna. Ghal din l-okkazjoni, il-Kor Nativitas hejja numru sabih ta’ innijiet Marjani – il-maggoranza taghhom kienu mehudin mic-CD li nhareg xi snin ilu mill-“Grupp ta’ Talb Madonna ta’ Pinu”. Il-Kor Nativitas esegwixxa l-Messa Pastorale tas-Surmast Nazzareno Refalo. Dritt malli ntemmet il-Quddiesa, ghall-habta tas-7.30pm, inghata bidu ghall-Velja ta’ Talb fuq iz-zuntier tas-Santwarju. Din il-velja saret bis-sehem tal-voluntiera kollha ta’ Radju Marija u kienet imxandra dirett fuq dan l-istazzjon. Il-Kor Nativitas ippartecipa wkoll f’din il-velja billi anima r-Ruzarju aux flambaux u l-purcissjoni qasira bil-kwadru-replika tal-Madonna ta’ Pinu. Kif stqarr ir-Rettur Dun Gerard Buhagiar, hija xewqa ta’ l-amministrazzjoni tas-Santwarju tal-Madonna ta’ Pinu li matul l-Erbghat tal-Madonna, fid-9.30pm jibda jinghad ir-Ruzarju aux flambaux fuq iz-zuntier u wara ssir purcissjoni bil-kwadru-replika tal-Madonna. Idea sabiha! Il-Maltin li kienu prezenti ghal din ic-celebrazzjoni kellhom kliem ta’ tifhir ghall-interpretazzjoni tajba hafna li ta l-Kor Nativitas f’gheluq l-ghaxar anniversarju mit-twaqqif tieghu.

It-tieni servizz tal-Kor matul il-festa tas-Sejha kien fil-gurnata propja tal-festa, jigifieri nhar it-Tnejn 22 ta’ Gunju 2009. Dakinhar, id-Djocesi ta’ Ghawdex iccelebrat it-Tifkira Solenni tal-126 Anniversarju mis-Sejha tal-Madonna ta’ Pinu lil Karmni Grima. Fis-Santwarju ta’ Pinu, il-Quddies gie iccelebrat fil-5.00am, 6.00am, 7.00am, 9.00am (Pontifikal), 11.15am u 5.30pm (Quddiesa Kantata bl-Ghasar integrat). Fit-8.00pm inghata bidu ghal Koncelebrazzjoni Pontifikali Solenni ippreseduta mill-E.T. Mons. Isqof Nikol G. Cauchi bis-sehem tal-Kor Nativitas taht id-direzzjoni ta’ Silvana Agius u l-organista Ivan Attard. Il-Kor Nativitas fetah il-Quddiesa bil-Kant Lejn is-Santwarju tal-Madonna ta’ Pinu, kitba ta’ Dun Gerard Buhagiar u muzika tas-Sur Joseph Formosa. Fir-riti tal-bidu tal-Quddiesa, il-Kor esegwixxa l-Kyrie Eleison u l-Gloria In Excelsis Deo mill-Quddiesa gregorjana De Angelis. Hadna hafna gost li l-kongregazzjoni numeruza migbura ghal din ic-celebrazzjoni hadet sehem attiv f’dan il-kant liturgiku. Sussegwentement, inqraw iz-zewg lezzjonijiet tal-Quddiesa, mehudin mill-Ktieb tal-Profeta Zakkarija u l-Ittra ta’ San Pawl Appostlu lill-Efesin rispettivament. Smajna l-Qari ta’ l-Evangelju li kien jirrakkonta l-grajja tat-Tieg ta’ Kana. Wara li nqara l-Evangelju mis-sacerdot novell Rev. Dun Anthony Bajada, l-E.T. Mons. Isqof Nikol G. Cauchi ghamel l-omelija ta’ l-okkazjoni fejn fiha fisser kif is-socjeta’ taghna qieghda fi krizi li trid tigi rimedjata b’devozzjoni awtentika lejn il-Vergni Marija li 126 sena ilu kellmet lilna fil-persuna ta’ Karmni Grima mill-kwadru taghha meqjum fis-Santwarju ta’ Pinu. L-innu ta’ l-offertorju Irrid Niehu Sehem kien segwit mir-riti tal-prezentazzjoni ta’ l-offerti u t-talb ta’ qabel il-konsagrazzjoni li ghalaq bil-kant tas-Sanctus. Il-Koncelebrazzjoni tkompliet b’mod normali – qabel it-Tqarbin, gie esegwit l-Innu Agnus Dei u waqt ir-rit tat-Tqarbin, il-Kor Nativitas interpreta l-innu Dielja Ghaziza. Il-Pontifikal ta’ jum il-festa filghaxija ntemm kif beda, jigifieri bil-kant ta’ l-Innu popolari Lejn is-Santwarju tal-Madonna ta’ Pinu. Id-direzzjoni muzikali kienet f’idejn id-Direttrici Silvana Agius filwaqt li l-akkumpanjament fuq l-orgni maestuz tas-Santwarju kien f’idejn l-organista ufficjali tal-Kor Nativitas, Ivan Attard.

Wara l-Quddiesa, il-Kor Nativitas kien mistieden ghal riceviment zghir fis-sagristija tal-Knisja waqt li l-pubbliku kien mistieden sabiex izur is-sala attrezzata li qed tospita fiha l-pitturi restawrati ta’ Emvin Cremona; liema sala kienet giet inawgurata nhar id-19 ta’ Gunju 2008 fl-okkazjoni tal-Festi Centinarji tas-Sejha tal-Madonna. Ir-Rettur Dun Gerard Buhagiar wera l-apprezzament tieghu ghas-servizz li tajna fil-jiem tal-festa u awguralna aktar successi ghall-futur!

Intant, fil-prezent, il-Kor Nativitas ghaddej bir-recording ta’ CD kommemorattiv fl-okkazjoni ta’ l-ghaxar anniversarju mit-twaqqif tieghu. Dettalji tax-xoghol li qed isir naghtuhomlkom fil-gimghat li gejjin hekk kif il-hidma tintensifika ruhha. Ghaddejjin ukoll nahdmu fuq xi progetti ohrajn li ghalissa ma nistghux nizvelawhom pubblikament. Meta’ jkun il-waqt, naghtukom rendikont tal-hidma taghna. Komplu segwu dan is-sit ghal aktar informazzjoni dwar il-Kor Nativitas li qed ikompli jaghmel unur lis-Socjeta’ u lir-rahal taghna!

Il-Kor Nativitas fil-Festa ta' Korpus

Nhar il-Hadd 14 ta’ Gunju 2009, il-Knisja Universali ccelebrat is-Solennita’ tal-Gisem u d-Demm tal-Mulej. Din il-festa ghaziza hija maghrufa b’mod popolari mal-Maltin u l-Ghawdxin bhala Corpus Christi u hija sinonima mal-purcissjoni ta’ Gesu’ Ewkaristija li tradizzjonalment issir filghodu f’xemx tisreg. Bhalma ghamel f’dawn l-ahhar xhur, il-Kor Nativitas iccelebra din il-festa mal-Komunita’ tal-Patrijiet Frangiskani Konventwali tal-Belt Victoria.

Peress li din hija festa marbuta ma’ l-Ewkaristija, l-innijiet liturgici kollha li gew esegwiti kellhom din it-tema, fosthom l-Innu Ave Verum Corpus interpretat minn Silvana Agius (Direttrici), l-Innu Hobz tal-Hajja ta’ Mro. Marco Frisina u l-innijiet tradizzjonali ta’ l-Ewkaristija Lil Gesu’ Ostja u O Qalb Hanina. Malli ntemmet il-Koncelebrazzjoni li tmexxiet mill-W.R. Patri George Attard, Gwardjan tal-Komunita’ Frangiskana, saret purcissjoni solenni b’Gesu’ Ewkaristija fil-pjazza ta’ quddiem il-Knisja ta’ San Frangisk li ntemmet bil-Barka Sagramentali ghall-habta tal-10.45am. Il-Kor Nativitas kien taht id-direzzjoni ta’ Silvana Agius u l-organista Ivan Attard.