Servizzi tal-Kor Nativitas ghal matul ix-xahar ta' Gunju 2010

Il-Kor Nativitas ser janima diversi servizzi liturgici matul ix-xahar ta' Gunju 2010. Qeghdin ingibu dettalji ta' dawn is-servizzi ghall-beneficcju taghkom:

L-Erbgha 2 ta' Gunju 2010: Il-Hames Erbgha f'gieh l-Assunzjoni tal-Vergni Marija.
5.30pm: Quddiesa kantata fis-Santwarju Nazzjonali tal-Madonna ta' Pinu.

Il-Hadd 6 ta' Gunju 2010: Solennita' tal-Gisem u d-Demm tal-Mulej (il-Korpus).
9.30am: Koncelebrazzjoni Solenni fil-Knisja ta' San Frangisk immexxija minn Patri George Attard OFM Konv., Gwardjan tal-Komunita'.

L-Erbgha 9 ta' Gunju 2010: Is-Sitt Erbgha f'gieh l-Assunzjoni tal-Vergni Marija.
5.30pm: Quddiesa kantata fis-Santwarju Nazzjonali tal-Madonna ta' Pinu.

It-Tlieta 15 ta' Gunju 2010: Tifkira liturgika ta' Sant'Antnin ta' Padova fil-Knisja ta' San Frangisk.
5.00pm: Quddiesa solenni bis-sehem tat-tfal immexxija mill-E.T. Mons. Nikol G. Cauchi, Isqof Emeritus tad-Djocesi taghna, li fiha jinghata messagg dwar Sant'Antnin lit-tfal prezenti.

L-Erbgha 16 ta' Gunju 2010: Is-Seba' Erbgha f'gieh l-Assunzjoni tal-Vergni Marija.
5.30pm: Quddiesa kantata fis-Santwarju Nazzjonali tal-Madonna ta' Pinu.

It-Tlieta 22 ta' Gunju 2010: Festa Solenni tal-127 Anniversarju mis-Sejha tal-Madonna ta' Pinu lil Carmela Grima.
8.00pm: Pontifikal Solenni mmexxi mill-E.T. Mons. Guzeppi Mercieca, Arcisqof Emeritus tal-Arcidjocesi ta' Malta, bis-sehem tas-sacerdoti u r-religjuzi ta' Malta u Ghawdex.

L-Erbgha 23 ta' Gunju 2010: It-Tmien Erbgha f'gieh l-Assunzjoni tal-Vergni Marija.
5.30pm: Quddiesa kantata fis-Santwarju Nazzjonali tal-Madonna ta' Pinu.

Is-Sibt 26 ta' Gunju 2010:
6.30pm: Fil-Knisja ta' San Frangisk (Belt Victoria), Koncelebrazzjoni Solenni ta' Radd il-Hajr lil Alla f'gheluq il-hmistax-il anniversarju mill-Ordinazzjoni Sacerdotali ta' Patri Michael Attard OFM Konv., eks-Gwardjan tal-komunita'. Imexxi Patri Michael Attard bis-sehem ta' numru ta' religjuzi Ghawdxin u Maltin.

L-Erbgha 30 ta' Gunju 2010: Id-Disa' Erbgha f'gieh l-Assunzjoni tal-Vergni Marija.
5.30pm: Quddiesa kantata fis-Santwarju Nazzjonali tal-Madonna ta' Pinu.

Inheggukom sabiex tinghaqdu flimkien mal-Kor ghal dawn ic-celebrazzjonijiet liturgici matul ix-xahar ta' Gunju.

Iccelebrata s-Solennita’ tat-Trinita’ Qaddisa

Nhar il-Hadd 30 ta' Mejju 2010, il-Knisja Universali ccelebrat is-Solennita' tat-Trinita' Qaddisa - il-qima ta' wiehed mill-akbar misteri tal-Fidi Nisranija: Alla wiehed fi Tliet Persuni.

Il-Kor Nativitas iccelebra din il-festa mal-Komunita' Frangiskana tal-Belt Victoria billi anima l-Koncelebrazzjoni tad-9.30am li kienet immexxija mill-Gwardjan Patri George Attard OFM Konv. Ghal din l-okkazjoni, il-Kor interpreta l-Quddiesa Gregorjana De Angelis flimkien mal-Innu 'Tifhir lill-Hallieq taghna' li huwa l-innu ta' tifhir lit-Trinita' Qaddisa flimkien ma' diversi innijiet liturgici ohra.

Il-Kor Nativitas ikanta fis-Solennita’ ta’ Ghid il-Hamsin

Nhar il-Hadd 23 ta’ Mejju 2010, il-Knisja Universali ghalqet Zmien il-Ghid permezz tas-Solennita’ tal-Inzul tal-Ispirtu s-Santu fuq l-Appostli. Din hija t-tieni l-ikbar festa li ghandha l-Knisja u tigi ccelebrata hamsin jum fuq is-Solennita’ tal-Ghid il-Kbir. Il-Kor Nativitas anima l-Quddiesa Koncelebrata tad-9.30am fil-Knisja tal-Patrijiet Frangiskani Konventwali fil-Belt Victoria .

Kif kien verament jixraq ghal din l-okkazjoni, il-Kor interpreta diversi innijiet liturgici li huma marbuta mal-Ispirtu s-Santu fosthom ‘L-Ispirtu tal-Mulej qed jistrieh fuqi’, ‘Dawk li jmexxihom l-Ispirtu’, ‘L-Ispirtu ta’ Kristu qed jigri jinxtered fuq l-art’, ‘Inhoss l-Ispirtu riesaq lejja’, ‘Spirtu Qaddis tal-Mulej’ ecc. Il-Quddiesa kienet immexxija mill-Gwardjan Patri George Attard OFM Konv. filwaqt li l-Kor Nativitas kien taht id-direzzjoni ta’ Silvana Agius u akkumpanjat bl-orgni mill-organista Ivan Attard.

Il-Kor Nativitas fil-Knisja taz-Zejt

Ghat-tieni sena konsekuttiva, il-Kor Nativitas ippartecipa fil-Festa tal-Vizitazzjoni tal-Madonna lil Santa Elizabetta ccelebrata fil-Knisja maghrufa bhala ‘Taz-Zejt’ biswit ic-Cimiterju Parrokkjali tal-Gharb. Meta l-Gharb twaqqaf Parrocca fl-1679, din il-Knisja helwa serviet bhala l-ewwel Knisja Parrokkjali ta’ din il-Parrocca sakemm inbniet Knisja akbar li, aktar tard, giet mghollija ghad-dinja ta’ Kolleggjata u Bazilika Minuri.

Is-Sibt 8 ta’ Mejju, lejliet il-Festa, il-Kor anima l-Quddiesa tal-4.30pm li kienet immexxija mill-E.T. Mons. Nikol G. Cauchi, Isqof Emeritus tad-Djocesi taghna. Waqt din il-Quddiesa, il-Kor interpreta l-Missa Cantate Domino ta’ Mro. Giuseppe Oltrasi u diversi innijiet Marjani b’rabta mal-okkazjoni ta’ din il-festa. Ic-celebrazzjoni tal-festa ntemmet bit-talb tal-Kurunella lil Ommna Marija tal-Vizitazzjoni, Barka Sagramentali u bews tar-relikwija. Fi tmiem il-funzjoni, il-koristi kienu mistiedna ghal riceviment zghir fis-sagristija tal-Knisja.

Ahna nirringrazzjaw lil Dun Akille Cauchi, ir-Rettur tal-Knisja, ghall-istedina li ghogbu jaghmlilna sabiex nanimaw il-Quddiesa ta’ lejliet il-Festa.

Jinghata Bidu ghall-Erbghat ta’ Santa Marija fis-Santwarju ta’ Pinu

Nhar l-Erbgha 5 ta’ Mejju 2010 inghata bidu ghad-devozzjoni popolari tal-hmistax-il Erbgha bi thejjija spiritwali ghas-Solennita’ tat-Tlugh fis-Sema tal-Vergni Marija. Dawn id-devozzjonijiet ikunu ccelebrati b’solennita’ fis-Santwarju Nazzjonali tal-Madonna ta’ Pinu fil-limiti tal-Gharb Ghawdex. Din is-sena, din id-devozzjoni qed tiehu forma partikolari peress li s-Santwarju qed ifakkar il-75 Anniversarju mill-Inkurunazzjoni tal-Kwadru Titulari tal-Madonna ta’ Pinu (1935 – 2010) u l-Ghoti tal-Warda tad-Deheb li l-Q.T. Papa Benedittu XVI offra lill-Madonna ta’ Pinu matul iz-zjara tieghu fostna fit-18 ta’ April li ghadda.

Fuq stedina tar-Rettur tas-Santwarju il-W.R. Dun Gerard Buhagiar, il-Kor Nativitas gie mistieden sabiex jippartecipa u janima bil-kant il-Quddiesa tal-5.30pm li tkun ukoll imxandra b’mod dirett fuq Radju Marija. Il-Quddiesa tal-Ewwel Erbgha kienet Koncelebrazzjoni li tmexxiet mill-E.T. Mons . Nikol G. Cauchi, Isqof Emeritus ta’ Ghawdex. Il-Kor interpreta diversi innijiet Marjani fosthom l-innu ‘Lejn is-Santwarju ta’ Pinu’, lirika ta’ Dun Gerard Buhagiar u muzika tas-Sur Joe Formosa . L-Erbghat tal-Madonna jilhqu l-qofol taghhom nhar is-Sibt 14 ta’ Awwissu permezz tac-Celebrazzjoni tal-Vgili tal-Ghid tal-Assunta.

Il-Kor izomm l-appuntament tieghu fl-Erbghat tal-Madonna matul l-Erbghat li gejjin fil-Quddiesa tal-5.30pm.

Il-Kor Nativitas fil-Festa ta’ San Guzepp

Nhar il-Hadd 2 ta’ Mejju 2010, il-Parrocca tax-Xaghra ccelebrat il-Festa Sekondarja ta’ San Guzepp bhala Kon-patrun tal-istess parrocca.

Fl-4.30pm sar il-Kant Solenni tat-Tieni Ghasar mill-Kapitlu u l-Kleru tal-Kolleggjata Bazilika ta’ Marija Bambina u fil-5.00pm bdiet Koncelebrazzjoni Pontifikali ta’ jum il-festa mmexxija mill-E.T. Mons . Mario Grech, Isqof tad-Djocesi ta’ Ghawdex bis-sehem tal-orkestra. Fis-6.30pm bdiet hierga l-purcissjoni devota bl-istatwa artistika ta’ San Guzepp meqjuma b’tant devozzjoni fil-Bazilika tax-Xaghra. Il-Kor Nativitas sellem lix-xbieha ta’ San Guzepp bil-Kant tal-Innu popolari ‘Lil San Guzepp’, kompozizzjoni tas-Surmast Mikiel Farrugia. Il-purcissjoni kienet immexxija minn Mons . Anton Refalo Zammit u akkumpanjata bid-daqq ta’ marci religjuzi mill-Banda Victory tax-Xaghra.

Servizzi tal-Kor Nativitas matul ix-xahar ta' Mejju 2010

Il-Kor Nativitas ser ikollu diversi impenji matul ix-xahar ta' Mejju 2010. Sa issa, is-servizzi li huma konfermati huma dawn li gejjin:

Il-Hadd 2 ta' Mejju 2010: Jum is-Solennita' ta' San Guzepp fil-Parrocca tax-Xaghra.

6.30pm: Hrug tal-Purcissjoni bl-istatwa artistika u devota ta' San Guzepp, Kon-Patrun tal-Parrocca. Il-Banda Victory flimkien mal-Kor Nativitas isellmu lil dan il-Qaddis Kbir bil-kant tal-Innu Popolari 'Lil San Guzepp', kompozizzjoni ta' Mro. Mikiel Farrugia. Wara, il-Banda Victory takkumpanja l-purcissjoni solenni li tghaddi mit-toroq 28 ta' April 1688, San Guzepp, Knisja u Misrah il-Vitorja. Il-purcissjoni titmexxa minn Mons. Anton Refalo, Monsinjur tal-Kapitlu Katidrali.

L-Erbgha 5 ta' Mejju 2010: L-Ewwel Erbgha devozzjonali bi thejjija ghall-Ghid tal-Assunta.

5.30pm: Koncelebrazzjoni Solenni tal-ftuh tal-Erbghat fis-Santwarju Nazzjonali tal-Madonna ta' Pinu. Matul dawn l-Erbghat, il-Kor Nativitas gie mistieden mill-W.R. Dun Gerard Buhagiar, Rettur tas-Santwarju, sabiex janima l-Quddiesa tal-5.30pm li tkun bi hsieb qasir dwar il-Vergni Marija fis-Sena li qed tfakkar il-75 Anniversarju mill-Inkurunazzjoni tal-Kwadru Titulari tal-Madonna ta' Pinu.

Is-Sibt 8 ta' Mejju 2010: Lejliet il-Festa tal-Vizitazzjoni tal-Madonna fil-Knisja taz-Zejt.

4.30pm: Fil-Knisja 'taz-Zejt' biswit ic-Cimiterju tal-Gharb, Quddiesa kantata ta' lejliet il-festa. Wara, tinghad il-Kurunella u Barka Sagramentali. Ic-celebrazzjoni taghlaq bil-bews tar-relikwija.

L-Erbgha 12 ta' Mejju 2010: It-Tieni Erbgha ta' Santa Marija.

5.30pm: Quddiesa fis-Santwarju tal-Madonna ta' Pinu.

L-Erbgha 19 ta' Mejju 2010: It-Tielet Erbgha ta' Santa Marija.

5.30pm: Quddiesa fis-Santwarju tal-Madonna ta' Pinu.

Il-Hadd 23 ta' Mejju 2010: Jum is-Solennita' ta' Ghid il-Hamsin (Pentekoste).

9.30am: Koncelebrazzjoni Solenni fil-Knisja ta' San Frangisk (Belt Victoria).

L-Erbgha 26 ta' Mejju 2010: Ir-Raba' Erbgha ta' Santa Marija.

5.30pm: Quddiesa fis-Santwarju tal-Madonna ta' Pinu.

Il-Hadd 30 ta' Mejju 2010: Jum is-Solennita' tat-Trinita' Qaddisa.

9.30am: Koncelebrazzjoni Solenni fil-Knisja ta' San Frangisk (Belt Victoria).

Inheggukom sabiex tattendi bi hgarkom ghal dawn ic-celebrazzjonijiet matul ix-xahar ta' Mejju li fihom ser jippartecipa l-Kor Nativitas!

Il-Kor Nativitas jiehu sehem fil-Festa sekondarja ta’ San Guzepp iccelebrata fil-parrocca tax-Xaghra

Nhar l-Erbgha 28 ta’ April 2010, il-parrocca tax-Xaghra tat bidu ghat-Tridu Solenni f’gieh San Guzepp fl-okkazjoni tal-festa sekondarja tieghu li ser tigi ccelebrata nhar il-Hadd 2 ta’ Mejju. Il-Kor Nativitas ippartecipa fil-Quddiesa tal-Ewwel Jum tat-Tridu li tmexxiet mill-Arcipriet Mons . Carmelo Refalo u li kienet qed tfakkar ukoll it-322 Anniversarju mit-Twaqqif tal-Parrocca taghna.

Ghal din l-okkazjoni, il-Kor interpreta l-Missa Cantate Domino ta’ Giuseppe Oltrasi flimkien mal-innijiet religjuzi ‘Lil San Guzepp, Kompatrun tal-Parrocca tax-Xaghra’, ‘Noffrulek Mulej’, ‘Kull Hin Imbierek Ismu’ flimkien mas-Salm Responsorjali u l-akklamazzjoni ghat-talbiet ta’ intercessjoni li nqraw wara l-Evangelju. Il-funzjoni ntemmet bil-Kant tal-Antifona ‘Exsurgens Josef’ u Celebrazzjoni Ewkaristika.

Wara l-Quddiesa, il-membri tal-Kor Nativitas kienu mistiedna ghal riceviment tal-okkazjoni fl-ufficcju amministrattiv tal-Kunsill Lokali Xaghra. Mill-gdid, nirringrazzjaw lill-Kunsill ghall-istedina li ghamlilna.

Il-Kor Nativitas jippartecipa fic-celebrazzjonijiet marbuta ma' Jum ix-Xaghra

Fl-okkazjoni ta’ Jum il-Lokalita’ taghna, il-Kunsill Lokali Xaghra stieden lis-Socjeta’ Filarmonika Victory u lill-Kor Nativitas sabiex jesegwixxu programm muzikali waqt serata kommemorattiva li saret f’Misrah il-Vitorja nhar is-Sibt 24 ta’ April 2010 mit-8.00pm ‘l quddiem. Waqt dan il-programm, kien hemm prezenti s-Segretarju Parlamentari l-Onorevoli Dr. Chris Said, is-Sindku s-Sur Joseph Cordina u s-Sinjura tieghu, il-Vici Sindku Dr. Christian Zammit LLD, il-Kunsilliera l-ohra tal-Kunsill Lokali Xaghra, Mons. Arcipriet Carmelo Refalo u numru sabih ta’ residenti.

Waqt din is-serata, inghata l-unur ‘GIEH IX-XAGHRA 2010’. Dan il-gieh jinghata kull sena mill-Kunsill Lokali lil xi persuna mix-Xaghra li tkun iddistingwiet ruhha b’hidma favur il-lokalita’. Din is-sena, ix-xorti messet lis-Surmast Emeritus Mro. Joseph Camilleri A.MusLCM li ghal diversi snin kien Surmast Direttur tal-Banda Victory. Ghal din l-okkazjoni, il-Kor Nativitas interpreta siltiet muzikali mill-musical popolari ‘The Sound of Music’, l-innu tal-Banda Victory u l-innu Nazzjonali taghna.

Nirringrazzjaw lill-Kunsill Lokali Xaghra ghal din l-istedina li ghamlilna.

Il-Kor Nativitas b'aktar impenji matul ix-xahar ta' April

Il-Kor Nativitas ser ikompli bl-impenji tieghu matul dan ix-xahar b'zewg servizzi importanti fix-Xaghra nhar is-Sibt 24 u l-Erbgha 28 ta' April 2010. Is-servizzi huma kif gej:

Is-Sibt 24 ta' April 2010:
Mit-7.45pm 'il quddiem: Il-Kor Nativitas flimkien mas-Socjeta' Filarmonika Victory ser jesegwixxu diversi siltiet muzikali waqt Kuncert kommemorattiv li ser isir f'Misrah il-Vitorja biex ifakkar Jum il-Lokalita'. Dan il-Kuncert qed ikun ikkummissjonat mill-Kunsill Lokali Xaghra. Waqt dan il-programm muzikali, il-Kor ser ikanta siltiet mill-musical popolari Sound of Music u innijiet popolari.

L-Erbgha 28 ta' April 2010: Tifkira tat-322 Anniversarju mit-Twaqqif tal-Parrocca tax-Xaghra u l-Ewwel Jum tat-Tridu tal-Festa Sekondarja ta' San Guzepp.
7.00pm: Koncelebrazzjoni Solenni bl-ewwel omelija dwar il-virtujiet ta' San Guzepp u b'radd il-hajr lil Alla f'dan l-anniversarju sinifikanti.
Wara, tinghad il-Kurunella lil San Guzepp, titkanta l-Antifona Exsurgens Josef u tinghata l-Barka Sagramentali.

Inheggukom sabiex tinghaqdu maghna f'dawn iz-zewg servizzi li ser isiru fil-parrocca tax-Xaghra fil-jiem li gejjin. Grazzi tal-interess taghkom fl-attivitajiet taghna.