Il-Kor Nativitas fil-festi tal-Milied

Matul dawn il-jiem li fihom il-Knisja Universali tiċċelebra b’Solennita’ t-Twelid ta’ Sidna Ġesu’ Kristu, il-Kor Nativitas kien impenjat b’bosta servizzi fil-Knisja tal-Patrijiet Franġiskani Konventwali tal-Belt Victoria. Ta’ min jgħid li l-Kor Nativitas huwa l-kor residenti f’din il-Knisja u, għaldaqstant, huwa għandu l-inkarigu li janima l-Liturġija fil-festi u fis-Solennitajiet il-kbar tal-kalendarju liturġiku.

Bejn it-Tnejn 19 u l-Ġimgħa 23 ta’ Diċembru, il-Kor anima l-Quddiesa tan-Novena tal-Milied. Il-ħsibijiet saru mill-W.R. Dun Joseph Mercieca mill-Parroċċa ta’ San Ġorġ Martri (Victoria). L-omeliji li saru kienu bbażati fuq l-Antifoni maġġuri li l-Liturġija tal-Knisja tkanta waqt it-talba tal-Għasar fil-ferji privileġġjati tal-Avvent, jiġifieri bejn is-17 u t-23 ta’ Diċembru. Dawn jissejħu l-Antifoni ‘O’ peress li kollha kemm huma jibdew b’din il-vokali li turi l-għaġeb ta’ Alla fost il-bnedmin. Għal din l-okkażjoni, il-Kor introduċa repertorju ġdid ta’ Żmien l-Avvent li ntlaqa’ tajjeb ħafna mill-kongregazzjoni miġbura. Dawn kienu jinkludi l-innijiet ‘Iż-Żmien Imħabbar Qorob’, ‘Inħejju t-Triq’ u ‘Ejja Mulej la tiddawwarx!’

Nhar il-Ħadd 25 ta’ Diċembru, Jum il-Milied, il-Kor Nativitas anima l-Liturġija Solenni tat-Twelid tal-Mulej Ġesu’. Fid-9.15am ingħata bidu għal servizz qasir ta’ kant ta’ għanjiet tradizzjonali tal-Milied segwita minn Quddiesa Kantata li kienet preseduta mill-W.R. Patri George Attard OFM Konv, eks-Gwardjan tal-istess komunita’ Franġiskana. Għal din iċ-ċelebrazzjoni, il-Kor esegwixxa l-‘Missa Pastorale’ tas-Surmast Nazzareno Refalo flimkien ma’ diversi għanjiet ta’ Żmien il-Milied. F’dawn l-okkażjonijiet, il-Kor Nativitas kien immexxi mid-Direttur mużikali tiegħu, Ivan Attard, li akkumpanja lill-Kor fuq l-orgni tal-Knisja.

L-impenji tal-Kor Nativitas għal dawn il-festi jkomplu nhar is-Sibt li ġej, 31 ta’ Diċembru, fis-6.30pm fil-Knisja ta’ San Franġisk. Fi tmiem din l-Ewkaristija, jitkanta t-‘Te Deum’ bħala innu ta’ radd il-ħajr lil Alla għall-grazzji li xerred fuqna matul din is-sena 2011 li qed tintemm. Aktar aġġornamenti fil-jiem li ġejjin.

Nawgurawlkom il-kumplament tal-festi t-tajba!

Impenji tal-Kor Nativitas fi zmien il-Milied

Matul dawn il-festi, il-Kor ġie mistieden biex għal sena oħra jagħti numru ta’ servizzi fil-Knisja tal-Patrijiet Franġiskani Konventwali tal-Belt Victoria:

Mit-Tnejn 19 sal-Erbgħa 21 ta’ Diċembru: Novena tal-Milied.

Il-Kor ser janima l-Quddiesa bil-prietka tan-Novena tal-Milied fis-6.30pm.

Il-Ġimgħa 23 ta’ Diċembru: L-aħħar jum tan-Novena tal-Milied.

6.30pm: Quddiesa tal-aħħar jum tan-novena.

Il-Ħadd 25 ta’ Diċembru: Jum il-Milied.

9.15am: Kant ta’ għanjiet tradizzjonali tal-Milied.

9.30am: Konċelebrazzjoni Solenni.

Is-Sibt 31 ta’ Diċembru: L-Aħħar Jum tas-Sena Ċivili.

6.30pm: Quddiesa Kantata li tagħlaq bil-Kant Solenni tat-Te Deum bħala innu ta’ radd il-ħajr lil Alla.

Il-Ħadd 1 ta’ Jannar: Solennita’ ta’ Marija Omm Alla u Jum il-Paċi.

9.15am: Kant ta’ għanjiet tradizzjonali tal-Milied.

9.30am: Konċelebrazzjoni Solenni.

Il-Gimgha 6 ta' Jannar:

Mis-7.30pm ‘il quddiem: Attivita’ soċjali tal-Milied għall-membri kollha tal-Kor Nativitas.

Il-Ħadd 8 ta’ Jannar: Solennita’ tal-Epifanija tal-Mulej.

9.30am: Quddiesa kantata li matulha jitħabbru l-festi li jimxu mal-Għid għas-sena liturġika 2012.

Il-Kor Nativitas jixtieq jawgura lil kulħadd l-isbaħ xewqat

għal Milied hieni u Sena ġdida mimlija b’kull riżq u hena!

Il-Kor Nativitas b’servizz ieħor fis-Santwarju Nazzjonali tal-Madonna Ta’ Pinu

Nhar it-Tlieta 13 ta’ Diċembru 2011, fis-Santwarju tal-Madonna Ta’ Pinu, ġiet iċċelebrata s-Solennita’ tat-80 anniversarju mill-Konsagrazzjoni tal-istess Santwarju. Dan il-maqdes prinċipali tal-gżejjer tagħna ġie ddedikat għall-qima ta’ Alla fit-13 ta’ Diċembru 1931 mill-Isqof Mons. Mikiel Gonzi.

Dan l-anniversarju ġie mfakkar permezz ta’ Quddiesa Konċelebrata li ġiet immexxija mill-W.R. Kan. Dun Eddie Vella flimkien mal-W.R. Dun Gerard Buhagiar, Rettur tas-Santwarju. Il-Kor Nativitas anima din iċ-ċelebrazzjoni. Huwa kien akkumpanjat fuq l-orgni mid-Direttur mużikali, Ivan Attard.

Jitfakkar Jum il-Persuni b'Diżabilita' f'Għawdex

Nhar il-Ħadd 4 ta' Diċembru 2011, fid-Djoċesi ta' Għawdex, ġie imfakkar il-Jum Internazzjoni ddedikat lill-persuni bi bżonnijiet speċjali. Din il-kommemorazzjoni saret permezz ta' Quddiesa Konċelebrata li ġiet iċċelebrata fis-Santwarju Nazzjonali tal-Madonna Ta' Pinu fil-11.15am. Għal sena oħra, l-amministrazzjoni ta' Dar Arka għoġobha tistieden lill-Kor Nativitas sabiex janima l-kant liturġiku waqt din iċ-ċelebrazzjoni.

Il-Konċelebrazzjoni tmexxiet mill-E.T. Mons. Isqof Mario Grech flimkien ma' Mons. Emmanuel Curmi, Direttur tal-Fondazzjoni Arka, il-W.R. Kan. Dun Michael Galea, Assistent Direttur tal-istess Fondazzjoni u l-W.R. Dun Gerard Buhagiar, Rettur tas-Santwarju tal-Madonna Ta' Pinu. Preżenti għal din iċ-ċelebrazzjoni, kien hemm numru kbir ta' persuni b'diżabilita' Għawdxin li fil-maġġor parti tagħhom jagħmlu użu mis-servizzi li toffri Dar Arka f'Għajnsielem. Fl-istess ġurnata, tfakkar il-ħdax-il anniversarju mill-ftuħ uffiċjali ta' din id-dar li kienet inawgurata fit-3 ta' Diċembru, 2000.

Għal din iċ-ċelebrazzjoni, il-Kor Nativitas kanta diversi innijiet liturġiċi relatati ma' Żmien l-Avvent flimkien mal-Missa De Angelis alternata mal-poplu. Il-Kor kien akkumpanjat fuq l-orgni tas-Santwarju mid-Direttur mużikali tiegħu, Ivan Attard.

Il-Kor Nativitas jieħu sehem fin-Novena tal-Kunċizzjoni

Bħas-snin l-imgħoddija, il-Kor Nativitas ġie mistieden mill-Komunita’ tal-Patrijiet Franġiskani Konventwali tal-Belt Victoria sabiex janima l-ewwel tlett ijiem tan-Novena bi tħejjija għas-Solennita’ tat-Tnissil bla Tebgħa tal-Verġni Marija li hija l-festa prinċipali tal-Knisja ta’ San Franġisk. L-ewwel tliet ijiem tan-Novena saru mit-Tnejn 28 sal-Erbgħa 30 ta’ Novembru. Il-Quddiesa u l-ħsibijiet tan-Novena dwar l-Ispirtu Franġiskan u l-Immakulata saru minn Patri Arthur Calleja OFM Konv.

Għal din l-okkażjoni, il-Kor Nativitas ippreżenta kant ġdid li ntlaqa’ tajjeb mill-kongregazzjoni numeruża li nġabret sabiex tisma’ l-ħsibijiet dwar l-Immakulata. Il-Kor kien akkumpanjat fuq l-orgni tal-Knisja mill-organista Ivan Attard, id-Direttur mużikali tal-istess Kor.

L-impenji tal-Kor Nativitas f’dan iż-żmien ta’ festi jkomplu billi nhar il-Ħadd li ġej, 4 ta’ Diċembru, il-Kor ser janima Quddiesa ta’ Radd il-Ħajr fis-Santwarju Nazzjonali fl-okkażjoni tal-ħdax-il annivesarju mit-twaqqif ta’ Dar Arka. L-Ewkaristija tibda fil-11.15am.

Jitfakkar l-Anniversarju mid-Dedikazzjoni tal-Knisja ta’ San Franġisk

Nhar il-Ġimgħa 11 ta’ Novembru 2011, il-Komunita’ tal-Patrijiet Franġiskani Konventwali tal-Belt Victoria fakkret b’Solennita’ l-105 Anniversarju mill-Konsagrazzjoni tal-Knisja ddedikata lil San Franġisk.

Għal dan il-għan, fis-6.30pm ġiet iċċelebrata Quddiesa Konċelebrata li tmexxiet mill-W.R. Patri Joe Xerri, Gwardjan, flimkien mal-istess komunita’ Franġiskana. Fil-Quddiesa ġie kantat ukoll it-Tieni Għasar bil-Malti.

Għal din l-okkażjoni, ħa sehem il-Kor Nativitas akkumpanjat fuq l-orgni mill-organista Ivan Attard.

Gwardjan ġdid għall-komunita’ Franġiskana tal-Belt Victoria

Il-Kor Nativitas jixtieq jifraħ u jawgura lill-W.R. Patri Joe Xerri OFM Konv. li ftit tal-ġimgħat ilu nħatar bħala l-Gwardjan l-ġdid tal-komunita’ Franġiskana tal-Belt Victoria u allura huwa wkoll ir-Rettur il-ġdid tal-Knisja ta’ San Franġisk.

Fl-istess waqt, il-Kor jixtieq ukoll irodd ħajr lil Patri George Attard OFM Konv. għall-fiduċja tiegħu fil-Kor matul ir-Rettorat tiegħu.

Imfakkar il-113-il anniversarju mit-twaqqif tas-Soċjeta’ Filarmonika Victory

Nhar is-Sibt 22 ta’ Ottubru 2011, is-Soċjeta’ Filarmonika Victory tax-Xagħra Għawdex fakkret b’solennita’ l-anniversarju mit-twaqqif legali tagħha fl-1898. Il-Banda Victory tniżżlet fl-istorja bħala l-ewwel Soċjeta’ mużikali mwaqqfa fl-irħula Għawdxin wara ż-żewġ baned imwaqqfa fil-Belt Victoria.

Kien eżattament nhar il-25 ta’ Ottubru 1898 li fil-Casa Pia Industriale fi Pjazza l-Vitorja iltaqgħu l-ewwel żgħażagħ li, immexxija mill-Arċipriet ta’ dak iż-żmien Dun Ġużepp Diacono u s-Surmast Malti Eduardo Farina, iffurmaw din l-Għaqda mużikali li għamlet unur lix-Xagħra tagħna. Minħabba diżgwid li nqala’ fil-Kumitat, din is-Soċjeta’ ġiet xolta fl-1906. Kien imbagħad fl-1934 li reġgħet twaqqfet il-Banda Victory li kienet iffurmata minn numru ta’ tfal u żgħażagħ Xagħrin li kienu jagħmlu parti mix-Xagħra Scouts Group. Minn dakinhar ‘l hawn, il-Banda Victory ma ħarsitx lura u baqgħet tagħti l-kontribut tagħha mhux biss fil-qasam mużikali iżda wkoll fil-qasam soċjali tar-raħal u ta’ Għawdex tagħna. Il-Kumitat tal-Banda Victory kien strumentali biex fl-1967 il-Knisja Kolleġġjata ta’ Marija Bambina ġiet mgħollija għad-dinjita ta’ Bażilika Minuri u biex l-istatwa titulari ta’ Marija Bambina ġiet inkurunata minn idejn l-E.T. Mons. Isqof Nikol Ġ. Cauchi fit-2 ta’ Settembru 1973. Nhar it-8 ta’ Awwissu 1976 tqiegħdet l-ewwel ġebla tal-Każin monumentali tas-Soċjeta’ fi Triq Marija Bambina fil-preżenza tad-Direttur Spiritwali l-W.R. Mons. Mikelanġ Apap u l-Ministru l-Onorevoli Patrick Holland. Bejn id-19 ta’ Settembru u t-3 ta’ Ottubru 1994, il-Banda Victory għamlet mawra ġewwa Detroit, il-Kanada u b’hekk tniżżlet fl-istorja bħala l-ewwel banda Għawdxija li esegwiet marċi u programm mużikali fil-Kanada.

Fl-1999, is-Soċjeta’ Filarmonika Victory kellha sehem ewlieni fil-festi speċjali li saru fil-Parroċċa tax-Xagħra biex ifakkru l-Ġublew tal-Fidda mill-Inkurunazzjoni tal-istatwa titulari ta’ Marija Bambina, liema festi kienu ġew posposti mis-sena 1998 minħabba elezzjoni ġenerali bikrija li saret dakinhar. Fl-okkażjoni ta’ dawn il-festi, twaqqaf il-Kor tas-Soċjeta’ li għadu jagħti s-servizz tiegħu sal-ġurnata tal-lum. Fis-sena 2002, il-Banda Victory għamlet ristrutturar kbir fis-sala ewlenija tal-Każin tagħha. Is-sala ewlenija ingħatat l-isem ‘Dun Alwiġ Camilleri’ għal wieħed mill-benefatturi kbar tagħha li għadda għall-ħajja ta’ dejjem f’Jum il-Milied tas-sena 2001. Fis-sena 2006, il-Banda Victory kellha sehem prinċipali fil-festi Ċinkwantenarji organizzati mill-Parroċċa tal-Katidral u s-Soċjeta’ Filarmonika Leone tal-Belt Victoria. Nhar id-29 ta’ April u t-3 ta’ Mejju 2006, il-Banda Victory flimkien mal-Banda Leone akkumpanjaw l-istatwa titulari ta’ Santa Marija waqt żewġ pellegrinaġġi ta’ talb li saru fix-Xagħra. B’hekk, il-Banda Victory tniżżlet fl-istorja bħala l-unika Banda (apparti l-Banda Leone) li akkumpanjat l-istatwa titulari ta’ Santa Marija meqjuma fil-Katidral ta’ Għawdex f’żewġ purċissjonijiet solenni fir-raħal tagħna. Riċentament, nhar il-Ħadd 4 ta’ Settembru 2011, il-Banda Victory akkwistat statwa mill-isbaħ ta’ Marija Bambina regalata mill-President Onorarju s-Sur Michael F. Cini. Din l-istatwa, propjeta’ tal-istess Soċjeta’, tinsab issebbaħ il-foyer tal-Każin tal-Banda.

Biex ifakkar dan l-anniversarju, din is-sena, il-Kumitat tal-Banda Victory iddeċieda li jorganizza Quddiesa ta’ Radd il-Ħajr lil Alla fil-Knisja Bażilika ta’ Marija Bambina. Din il-Quddiesa saret nhar is-Sibt 22 ta’ Ottubru fis-7.00pm. Il-Quddiesa ġiet iċċelebrata mill-Arċipriet Mons. Carmelo Refalo flimkien mal-Kan. Dun Ġiljan Refalo Rapa, Direttur Spiritwali, u l-W.R. Mons. Ewkaristiku Sultana, Arċipriet Emeritus u President Onorarju tas-Soċjeta’. Ħadet sehem il-Banda Victory immexxija mis-Surmast Mro. Joseph Galea LCM u l-Kor Nativitas tal-istess Soċjeta’.

Servizzi ta' wara l-festa

Il-Kor Nativitas temm l-impenji tieghu fil-festa titulari ta' Marija Bambina fix-Xaghra bil-partecipazzjoni importanti tieghu fl-esekuzzjoni tal-Innu l-Kbir 'Hdejn in-Nieqa ta' Marija Bambina' nhar il-Hamis 8 ta' Settembru waqt il-hrug tal-purcissjoni solenni bl-istatwa inkurunata tal-patruna taghna.

Wara gimgha ta' mistrieh misthoqqa lill-koristi ghall-provi u s-servizzi relatati mal-festa, il-Kor rega' beda jiltaqa' biex ihejji ghas-servizzi li jmiss. Infatti, nhar is-Sibt 17 ta' Settembru, il-Kor ta l-ewwel servizz tieghu fil-Knisja ta' San Frangisk fil-Belt Victoria fl-okkazjoni tal-Ewwel Sibt bi thejjija ghas-Solennita' tal-Immakulata Kuncizzjoni. Il-Kor issa qed jiltaqa' regolarment darba fil-gimgha biex ihejji r-repertorju ghas-servizzi li gejjin, ewlenin fosthom it-Tridu tal-Festa ta' San Frangisk u festi ohra li jigu ccelebrati fl-istess Knisja tal-Patrijiet Frangiskani Konventwali.

Kuncert muzikali mill-aqwa mill-Banda Victory flimkien mal-Kor Nativitas

Nhar is-Sibt 3 ta’ Settembru, is-Socjeta’ Filarmonika Victory tellghet il-programm muzikali annwali taghha fl-okkazjoni tal-festa titulari ta’ Marija Bambina. Il-Kuncert kien bis-sehem tal-Kor Nativitas u s-solisti Audrey Marie Bartolo (Xaghra) u Rosman Pace (Malta). Il-Kuncert tas-Sibt inkluda diversi bicciet muzikali miktuba minn kompozituri differenti – bicciet li varjaw mill-era klassika ghall-era aktar moderna u kontemporanja fosthom bl-introduzzjoni ta’ siltiet fuq l-istil pop li zgur nizlu tajjeb mal-udjenza numeruza li ngabret biex issegwi dan il-Kuncert.

Il-Kor Nativitas kellu sehem f’dan il-Kuncert bil-kant tas-selection ‘On the Street where you live’ minn ‘My Fair Lady’ u l-innu Marcia ‘Ejjew Infahhru lil Marija’ tas-Surmast Mikiel Farrugia. Wara l-Kuncert, sar marc mill-Banda Victory lejn il-Kazin tal-istess Socjeta’ fejn tbierket u giet inawgurata n-nicca l-gdida fil-foyer tal-Kazin – din in-nicca ser tilqa’ fiha l-istatwa ta’ Marija Bambina li ser titbierek nhar il-Hadd 4 ta’ Settembru. Din l-istatwa giet regalata lis-Socjeta’ mill-President Onorarju s-Sur Michael F. Cini u l-familja tieghu.

Il-Kor Nativitas issa jkun impenjat bl-esekuzzjoni tal-Innu l-Kbir ‘Hdejn in-Nieqa ta’ Marija’ li jindaqq lejliet u nhar il-festa titulari fis-7 u t-8 ta’ Settembru. Aktar aggornamenti naghtuhom fil-jiem li gejjin. Niehdu din l-okkazjoni biex nawguraw il-festa t-tajba lil kulhadd!

Il-Kor Nativitas fil-Velja tal-Ghid tal-Assunta

Wara diversi gimghat ta’ preparazzjoni permezz tal-hmistax-il Erbgha devozzjonali bi thejjija ghas-Solennita’ tal-Ghid tal-Assunta ccelebrati fis-Santwarju Nazzjonali tal-Madonna Ta’ Pinu, il-Knisja f’Ghawdex inghaqdet mal-Knisja Universali fic-celebrazzjoni tal-Vgili Solenni tal-Assunzjoni tal-Vergni Marija. Bhalma gara fis-snin li ghaddew, din ic-celebrazzjoni nzammet fuq iz-zuntier tas-Santwarju tal-Madonna Ta’ Pinu nhar il-Hadd 14 ta’ Awwissu mit-8.15pm sal-10.30pm.

Ic-celebrazzjoni bdiet b’purcissjoni bil-Kwadru-replika tal-Madonna Ta’ Pinu li kienet segwita mit-talb tas-Salmi li l-Knisja Orjentali tirrecita fil-15 ta’ Awwissu. Fost dan it-talb, gie kantat l-innu ‘L-Ghid tal-Assunta’ b’muzika ta’ Mro. Paul Portelli. Is-solista waqt dan l-innu kien il-W.R. Dun Joseph Bajada, Kappillan tal-Parrocca tal-Qalb ta’ Gesu, Fontana. Din il-velja Djocesana lahqet il-qofol taghha b’Koncelebrazzjoni Solenni mmexxija mill-E.T. Mons. Isqof Mario Grech flimkien ma’ diversi sacerdoti minn Malta u Ghawdex. Il-Kor Nativitas kien mistieden biex jinghaqad ma’ koristi ohra Ghawdxin fl-animazzjoni ta’ din ic-celebrazzjoni. Il-Kor kien immexxi minn Dorienne Portelli u akkumpanjat fuq l-orgni mill-organista Ivan Attard. Waqt din il-Quddiesa, is-Sorijiet Klarissi li ser jinawguraw il-monasteru taghhom f’Ghawdex fil-jiem li gejjin ghamlu talba ta’ affidament lill-Madonna Ta’ Pinu. Kien hemm prezenti wkoll iz-zghazagh Ghawdxin u Maltin li ser jattendu ghall-Jum Dinji taz-Zghazagh li qed isir gewwa Madrid fi Spanja.

Il-Kor issa jkompli bl-ahhar provi tieghu qabel il-Programm Vokali u Strumentali li ser ittella’ s-Socjeta’ Filarmonika Victory nhar is-Sibt 3 ta’ Settembru f’Misrah il-Vitorja u ghall-esekuzzjoni tal-Innu l-Kbir ‘Hdejn in-Nieqa ta’ Marija Bambina’ li jindaqq mill-Banda taghna nhar l-Erbgha 7 u l-Hamis 8 ta’ Settembru, lejliet u nhar il-Festa titulari ta’ Marija Bambina. Aktar aggornamenti dwar dawn is-servizzi inkunu nistghu naghtuhom fil-jiem li gejjin.

Servizzi u Attivitajiet tal-Kor Nativitas matul Gunju 2011

Wara s-sehem tieghu fil-festa tat-Tawmaturgu Sant’Antnin ta’ Padova ccelebrata b’solennita’ fil-Knisja ta’ San Frangisk ta’ Assisi, il-Kor Nativitas baqa’ ghaddej b’bosta impenji u servizzi liturgici ohra.

Nhar il-Hadd 19 ta’ Gunju, il-Kor Nativitas anima Quddiesa Koncelebrata fil-Knisja ta’ San Frangisk fl-okkazjoni tas-Solennita’ Liturgika tat-Trinita’ Qaddisa.

Nhar l-Erbgha 22 ta’ Gunju, Jum il-128 Anniversarju mis-Sejha tal-Madonna Ta’ Pinu lil Karmni Grima, il-Kor Nativitas gie mistieden mir-Rettur Dun Gerard Buhagiar sabiex janima l-Pontifikal Solenni ta’ Jum il-Festa li tmexxa mill-E.T. Mons. Tommaso Caputo, Nunzju Apostoliku ghal Malta, bis-sehem ta’ diversi sacerdoti Maltin u Ghawdxin. Din ic-celebrazzjoni bdiet fit-8.00pm u rat il-partecipazzjoni ta’ bosta nies li gew jinviztaw lill-Madonna f’jum il-festa taghha.

Nhar il-Hadd 26 ta’ Gunju, Jum is-Solennita’ tal-Gisem u d-Demm tal-Mulej, il-Kor Nativitas anima l-Koncelebrazzjoni Solenni tad-9.30am fil-Knisja tal-Patrijiet Frangiskani Konventwali tal-Belt Victoria.

Nhar l-Erbgha 29 ta’ Gunju, Solennita’ tal-Appostli San Pietru u San Pawl, il-Kor zamm l-appuntament regolari tieghu ta’ kull gimgha fis-Santwarju Nazzjonali tal-Madonna Ta’ Pinu billi anima l-Quddiesa tal-Erbghat tal-Madonna li bdiet fil-5.30pm u li kienet iccelebrata mis-sacerdot Xaghri, Dun Alex Refalo.

Fil-bidu tas-Sajf, il-Kor Nativitas organizza l-ewwel attivita’ socjali ghal din is-sena li ikkonsistiet f’pizza night fil-Horizon Restaurant nhar il-Hamis 30 ta’ Gunju mit-8.30pm ‘il quddiem. Din kienet attivita’ mill-isbah fejn il-membri tal-Kor kellhom l-opportunita’ li jiltaqghu f’ambjent informali u jiddevertu flimkien.

Sadanittant, il-Kor ser ikompli ghaddej bil-provi preparatorji tieghu ghall-Programm Vokali u Strumentali li s-Socjeta’ Filarmonika Victory ser ittella’ f’Misrah il-Vitorja nhar is-Sibt 3 ta’ Settembru 2011 mid-9pm ‘il quddiem fl-okkazjoni tal-Festa titulari tat-Twelid ta’ Marija Bambina u ghas-servizzi liturgici l-ohra li fihom ser ikun impenjat fosthom il-Velja tal-Ghid tal-Assunta fil-pjazza ta’ quddiem is-Santwarju tal-Madonna Ta’ Pinu u n-Novena tal-festa titulari ta’ Marija Bambina. Il-Kor Nativitas imbaghad jieqaf ghall-mistrieh tieghu wara l-festa, jigiferi mid-9 sas-26 ta’ Settembru, qabel jerga’ jibda bir-rutina normali ta’ provi u servizzi.

Matul ix-xahar ta’ Lulju 2011, il-Kor ser ikompli jzomm l-appuntament tieghu ta’ kull nhar ta’ Erbgha fis-Santwarju Nazzjonali tal-Madonna Ta’ Pinu fejn janima l-Quddiesa tal-5.30pm li tkun imxandra b’mod dirett fuq Radju Marija.

Il-Kor Nativitas fil-festa ta’ Sant’Antnin ta’ Padova

Fl-okkazjoni tal-festa ta’ Sant’Antnin ta’ Padova iccelebrata fil-Knisja tal-Patrijiet Frangiskani Konventwali tal-Belt Victoria nhar it-Tlieta 14 ta’ Gunju, il-Kor Nativitas gie mistieden janima l-Quddiesa tal-5.00pm.

Din ic-celebrazzjoni tmexxiet minn Patri Peter Paul Cachia O.S.A. u kienet bis-sehem tat-tfal. Infatti, fi tmiem din l-Ewkaristija, sar it-tberik u l-prezentazzjoni tat-tfal lil Sant’Antnin u t-tqassim tradizzjonali tal-hobz marbut ma’ din il-festa. Ic-celebrazzjoni ntemmet bil-Kant tal-Innu popolari ‘O tal-Mirakli’ u l-bews tar-Relikwija tal-Qaddis.

Il-Kor Nativitas jiehu sehem f’Celebrazzjoni ta’ Radd il-Hajr lil Alla

Nhar il-Hadd 29 ta’ Mejju 2011, il-Kor Nativitas gie mistieden mill-Komunita’ tas-Sorijiet Dumnikani ta’ Pompej fil-Belt Victoria sabiex janima Quddiesa ta’ Ringrazzjament lil Alla fl-okkazjoni tal-Hamsin Anniversarju mill-Professjoni Solenni ta’ zewg sorijiet Dumnikani. Wahda minn dawn is-sorijiet, Sr. Rachele, qed taqdi l-missjoni taghha skont il-karizma Dumnikana fil-Missjoni tal-Pakistan.

Ic-celebrazzjoni tal-Quddiesa bdiet fl-4.00pm fis-Santwarju tal-Madonna ta’ Pompej u kienet ippreseduta mill-W.R. Kan. Dun Edward Vella flimkien ma’ sitt sacerdoti ohra. L-innijiet li gew esegwiti waqt din ic-celebrazzjoni kienu: ‘Radd il-Hajr lilek naghtu Mulej’ (Introjtu), ‘Tkun Imbierek Mulej’ (Offertorju), ‘Sibt Tezor’ (Tqarbin) u l-Innu popolari lill-Madonna ta’ Pompej (Gheluq). Giet ukoll kantata l-Quddiesa Gregorjana Missa De Angelis alternata mal-kongregazzjoni numeruza li ngabret ghal din l-okkazjoni.

Wara li ntemmet il-Quddiesa, sar riceviment zghir tal-okkazjoni fil-Kunvent tad-Dumnikani. Is-servizzi tal-KorNativitas ikompli matul ix-xahar ta’ Gunju 2011. Inheggukom sabiex tkomplu zzommu rwiehkom aggornati bl-attivitajiet taghna.

L-Anniversarju tal-Konsagrazzjoni tal-Knisja Bazilika ta’ Marija Bambina fix-Xaghra

Nhar il-Hamis 26 ta’ Mejju 2011, il-komunita’ Parrokkjali tax-Xaghra fakkret b’mod solenni l-133 Anniversarju mid-Dedikazzjoni tal-Knisja Kolleggjata u Bazilika ta’ Marija Bambina. Il-Kor Nativitas gie mistieden sabiex janima l-Koncelebrazzjoni Solenni li fakkret dan l-anniversarju importanti u li bdiet fis-7.30pm.

Il-Quddiesa Solenni tmexxiet minn Mons. Arcipriet Carmelo Refalo assistit minn rapprezentanza tal-W.R. Kapitlu u Kleru tal-istess Kolleggjata. Fost l-innijiet li gew esegwiti, wiehed ta’ min isemmi ‘Kemm toghgobni d-dar tieghek’ (Introjtu), ‘Imbierek int Mulejja’ (Offertorju), ‘Gbartna flimkien Mulej’ (Tqarbin) u ‘Nadurawk ja Hobz tas-Sema’ fi tmiem il-Quddiesa u bhala ftuh tal-Adorazzjoni Ewkaristika b’talb ghall-Vokazzjonijiet Sacerdotali, Religjuzi u Missjunarji. Tkantat ukoll il-Missa De Angelis (Gregorjana) bis-sehem tal-poplu.

L-appuntament li jmiss huwa ghal nhar il-Hadd, 29 ta’ Mejju 2011. Dakinhar, fl-4.00pm, il-KorNativitas ser janima Quddiesa Solenni ta’ Radd il-Hajr lil Alla f’gheluq il-50 Anniversarju mill-Professjoni Solenni ta’ Soru dumnikana Ghawdxija li qed twettaq xoghol ta’ appostolat fil-Missjoni tal-Pakistan. Din ic-celebrazzjoni ser tinzamm fis-Santwarju tal-Madonna ta’ Pompej fil-Belt Victoria. Inheggu lil kulhadd sabiex jattendi halli naqsmu flimkien il-ferh ta’ din l-okkazjoni.

Il-Kor janima l-funeral ta’ Maria Cini (1934-2011)

Nhar it-Tlieta 24 ta’ Mejju 2011, il-komunita’ parrokkjali tax-Xaghra tat l-ahhar tislima lil Maria Cini, mart is-Sur Michael Cini li ghal diversi snin okkupa l-kariga ta’ President tas-Socjeta’ Filarmonika Victory. Is-Sur Cini huwa wkoll il-fundatur tal-Kor Nativitas, President Onorarju u benefattur kbir tal-Banda Victory. Kien jixraq ghalhekk li, fuq xewqa tal-familja Cini, il-Kor Nativitas anima l-Quddiesa tal-funeral ta’ din ohtna.

Il-korteo funebri telaq mill-Isptar Generali ta’ Ghawdex fl-4.30pm fejn intlaqa’ fi Vjal it-Tmienja ta’ Settembru minn Mons. Arcipriet Carmelo Refalo u rapprezentanza tal-W.R. Kapitlu u Kleru tal-Kolleggjata ta’ Marija Bambina. Delegazzjoni mill-Kor Nativitas imxiet wara t-tebut bil-fdalijiet ta’ ohtna Marija sal-Knisja Bazilika. Il-Koncelebrazzjoni praesente cadavere tmexxiet minn Mons. Arcipriet Carmelo Refalo u bdiet fil-5pm. Waqt il-Quddiesa, il-Kor esegwixxa diversi innijiet liturgici fosthom ‘Diehla go Qalbi’ (Introjtu), ‘Mulej lejk nghollu’ (Offertorju) u l-Missa Pro Defunctis (Gregorjana). Waqt it-tqarbin u fir-riti tat-tislima tal-ahhar, hadet sehem is-Sopran Rita Dimech fuq xewqa tal-familja Cini. Il-Quddiesa kienet segwita minn korteo lejn ic-cimiterju parrokkjali tax-Xaghra fejn saret id-difna.

AGHTIHA O MULEJ IL-MISTRIEH TA’ DEJJEM,

ID-DAWL TA’ DEJJEM JIDDI LILHA, TISTRIEH FIL-PACI. AMEN!

Il-Kor Nativitas jiehu sehem fil-Festa Sekondarja ta’ San Guzepp fix-Xaghra

Bejn l-Erbgha 18 u l-Hadd 22 ta’ Mejju 2011, il-Parrocca tax-Xaghra iccelebrat b’Solennita’ lil San Guzepp, ir-Ragel Gust tal-Vergni Marija u l-Patrun tal-Knisja Universali. Normalment, din il-festa tigi ccelebrata fl-Ewwel Hadd ta’ Mejju izda peress li din is-sena l-festi tal-Ghid gew tard, din il-festa giet trasferita ghall-Hadd 22 ta’ Mejju.

Din is-sena, il-Kor Nativitas zied il-partecipazzjoni tieghu f’din il-festa ghaziza ghax-Xaghrin kollha tant li anima t-Tridu kollu adunur ta’ San Guzepp li gie iccelebrat bejn l-Erbgha 18 u l-Gimgha 20 ta’ Mejju. Il-Koncelebrazzjoni Solenni bil-prietka tat-Tridu tmexxiet minn tliet sacerdoti differenti: Mons. Guzepp Cauchi, Dun Joseph Bajada u l-Kan. Dun Joe Cardona rispettivament. Ghal dan it-Tridu Solenni gew mistiedna t-tfal u l-istudenti Xaghrin li din is-sena ser jircievu s-Sagramenti tal-Ewwel Tqarbina u l-Grizma tal-Isqof flimkien mal-familjari u l-katekisti taghhom. Dawk kollha li attendew ghal dan it-Tridu kellhom l-opportunita’ li jisimghu katekezi mill-isbah dwar il-virtujiet li bihom kien imzejjen San Guzepp fil-hajja tieghu bhala l-Kap tal-Familja Mqaddsa u l-Missier putattiv ta’ Gesu’. Ic-celebrazzjoni tat-Tridu kienet tigi fi tmiemha bil-Kant tal-Antifona Exsurgens Josef, l-ghoti tal-Barka Sagramentali u l-Kant tal-Innu popolari ‘Lil San Guzepp’, kompozizzjoni ta’ Mro. Mikiel Farrugia.

Matul dawn il-jiem ta’ festa Guzeppina, il-Kor Nativitas esegwixxa diversi innijiet liturgici biex kompla sebbah ic-celebrazzjonijiet li saru fil-Knisja Bazilika. Il-Kor kien akkumpanjat fuq l-orgni tal-Bazilika mid-Direttur tieghu, is-Sur Ivan Attard A.MusTCL.

Il-Kor Nativitas jiftah l-Erbghat tal-Assunta

Nhar l-Erbgha 4 ta' Mejju 2011, id-Djocesi ta' Ghawdex tat bidu ghad-devozzjoni popolari tal-hmistax-il Erbgha bi thejjija spiritwali ghas-Solennita' tat-Tlugh fis-Sema tal-Vergni Marija li ta' kull sena niccelebraw nhar il-15 ta' Awwissu. Din id-devozzjoni hija mizmuma bl-akbar ghozza fis-Santwarju Nazzjonali tal-Madonna ta' Pinu fejn jinsab il-Kwadru titulari mirakoluz li juri l-grajja tal-Assunzjoni u li kien il-protagonist meta l-Vergni Marija kellmet lix-xbejba Ghawdxija, Karmni Grima, fl-1883.

Ghal sena ohra, ir-Rettur tas-Santwarju, il-W.R. Dun Gerard Buhagiar, ghamel stedina lill-Kor Nativitas sabiex janima l-Quddiesa Solenni tal-5.30pm li matul dawn l-Erbghat tkun imxandra dirett fuq Radju Marija ghall-beneficcju tal-morda u l-anzjani fi djarhom. B'dan il-mod, il-Kor fetah dawn l-impenji tieghu tal-Erbghat ghal din is-sena. Din il-Quddiesa, li nhar l-Erbgha kienet immexxija mir-Rettur innifsu, tinkludi meditazzjonijiet qosra dwar id-devozzjoni li l-Beatu Papa Gwanni Pawlu II kellu lejn il-Madonna. Kienu bosta l-familji / individwi li kienu prezenti ghal din ic-celebrazzjoni li issa tibqa' tirrepeti ruhha bl-istess programm matul l-erbatax-il Erbgha li gejjin sas-Solennita' tal-Assunta.

Il-Kor Nativitas jippartecipa fic-celebrazzjonijiet ta' Jum ix-Xaghra

Ta' kull sena, il-Kunsill Lokali Xaghra jorganizza diversi attivitajiet biex jikkommemora l-Anniversarju mit-Twaqqif tal-Parrocca tax-Xaghra, liema grajja storika sehhet nhar it-28 ta' April 1688 mill-Isqof Davide Cocco Palmeri. Il-Kor Nativitas flimkien mas-Socjeta' Filarmonika Victory tax-Xaghra kellhom sehem vast f'dawn il-festi li saru matul il-gimgha li ghaddiet.

Nhar il-Hamis 28 ta' April, il-jum propju ta' dan l-Anniversarju, saret Quddiesa Koncelebrata fil-Knisja Bazilika ta' Marija Bambina li matulha il-komunita' parrokkjali tax-Xaghra raddet hajr lil Alla ghall-grazzja imsawba matul din il-medda ta' snin. Il-Koncelebrazzjoni tmexxiet minn Mons. Arcipriet Carmelo Refalo u kienet animata mill-Kor Nativitas akkumpanjat fuq l-orgni mid-Direttur tieghu, Ivan Attard A.MusTCL. Immedjatament wara li ntemmet din ic-celebrazzjoni, fis-sala 'Dun Alwig Camilleri' fil-Kazin tal-Banda Victory, saret l-inawgurazzjoni ufficjali ta' esebizzjoni interessanti li ikkonsistiet f'200 ritratt marbuta mal-istorja tal-isports fix-Xaghra. Prezenti ghal din ic-cerimonja kien hemm numru sabih ta' koristi, membri mill-Kumitat Centrali tas-Socjeta', is-Sindku Joe Cordina u l-Kunsilliera flimkien mal-Arcipriet u rapprezentanza tal-Kapitlu Kolleggjali tax-Xaghra.

Is-Sibt 30 ta' April, il-Kunsill Lokali Xaghra organizza serata kulturali f'Misrah il-Vitorja li matulha gie moghti l-unur 'Gieh ix-Xaghra 2011' lis-Sur Vincent Vella ghall-hidma tieghu f'diversi ghaqdiet socjali tal-Parrocca fosthom anke bhala Kaxxier fil-Kumitat tal-Banda Victory fl-1996-1997. Il-Banda Victory, immexxija mis-Surmast Mro. Joe Galea LCM, daqqet diversi siltiet muzikali matul din il-lejla kulturali. Il-Kor Nativitas ippartecipa wkoll f'dan il-programm billi kanta flimkien mal-Banda s-silta 'Amigos Para Sempre', muzika ta' Andrew Lloyd Webber (arrangament tas-Surmast Joe Galea).

Nirringrazzjaw lill-Kunsill Lokali Xaghra li ghogobhom jistednuna sabiex niehdu sehem f'dawn l-attivitajiet ta' Jum ix-Xaghra.

Is-servizzi tal-Kor Nativitas ikomplu ghaddejjin hekk kif nhar l-Erbgha 4 ta' Mejju, l-Ewwel Erbgha bi thejjija ghas-Solennita' tal-Assunzjoni tal-Vergni Marija, il-Kor janima l-Kant waqt il-Quddiesa Solenni tal-5.30pm fis-Santwarju Nazzjonali tal-Madonna ta' Pinu. Din ic-celebrazzjoni tal-Ewkaristija tkun imxandra live fuq Radju Marija. Il-Kor jibqa' jaghti dan is-servizz matul il-hmistax-il Erbgha tal-Assunta u jippartecipa wkoll fil-Velja ta' Santa Marija li ser tinzamm nhar il-Hadd 14 ta' Awwissu mit-8.30pm 'il quddiem. Aktar dettalji u aggornamenti naghtuhom fil-jiem li gejjin.

Il-Kor Nativitas jaqsam il-ferh tal-Ghid mal-Komunita’ tal-Frangiskani fil-Belt Victoria

Funzjoni solenni li damet xejn anqas minn saghtejn ikkaratterizzat il-Lejl Qaddis tal-Ghid fil-Knisja ta’ San Frangisk fil-Belt Victoria. Dan huwa l-lejl tal-iljieli; l-aqwa wiehed fost l-iljieli kollha tas-sena ghax fih niccelebraw l-akbar festa li ghandha l-Knisja Kattolika: il-Qawmien ta’ Sidna Gesu’ Kristu u r-rebha qawwija li kiseb fuq l-ghadu, id-dnub u l-mewt!

Hija funzjoni mill-aktar elaborata tant li tista’ titqies bhala l-itwal u l-aktar celebrazzjoni liturgikament rikka li ghandha l-Knisja. Il-funzjoni bdiet bit-tberik tan-nar il-gdid li thejja fuq iz-zuntier tal-Knisja u l-mixeghla u l-intronizzazzjoni tal-Blandun li huwa simbolu ta’ Kristu Rxoxt. Sar il-Kant Solenni tat-Thabbira tal-Ghid minn Patri Egidio Mizzi OFM Konv., segwit mill-qari ta’ seba’ lezzjonijiet mit-Testment il-Qadim. F’dan il-mument, il-Kor Nativitas kanta r-ritornelli tas-salmi responsorjali. Immedjatament wara l-Qari ta’ dawn il-Lezzjonijiet, sar il-Kant tal-‘Gloria in Excelsis Deo’ filwaqt li l-qniepen tal-knisja, li kienu ilhom siekta minn nhar il-Hamis filghaxija, hallew ilsienhom u daqqew mota ta’ ferh li dwiet mal-belt kollha. Il-Quddiesa tkompliet bil-Liturgija tal-Ewkaristija. Il-Kor interpreta numru sabiha ta’ innijiet liturgici marbuta ma’ kull rit li sar waqt din il-Koncelebrazzjoni tal-Lejl tal-Ghid.

Minn qalbna, nirringrazzjaw lill-koristi kollha ghall-impenn u d-dedikazzjoni taghhom matul dawn il-funzjonijiet sbieh tal-Gimgha Mqaddsa. Nghidu grazzi wkoll lill-Komunita' tal-Frangiskani ghall-istedina li ghogobhom jaghmlulna.

Matul dawn il-funzjonijiet kollha, il-Kor Nativitas kien akkumpanjat fuq l-orgni u mmexxi mid-Direttur tieghu, is-Sur Ivan Attard A.MusTCL.

Is-servizzi li jmiss ghall-Kor Nativitas huma dawn:

Il-Hamis 28 ta’ April 2011: Tifkira tat-323 Anniversarju mit-Twaqqif tal-Parrocca tax-Xaghra.

7.00pm: Quddiesa Koncelebrata fil-Knisja Kolleggjata-Bazilika ta’ Marija Bambina.

Is-Sibt 30 ta’ April 2011: Jum ix-Xaghra.

8.00pm: Programm ta’ tifkira f’Misrah il-Vitorja organizzat mill-Kunsill Lokali Xaghra. Il-Banda Victory u l-Kor Nativitas ser jippartecipaw f’dan il-programm billi jipprezentaw diversi siltiet muzikali.

Il-Hadd 1 ta’ Mejju 2011: Jum il-Festa tal-Hniena Divina.

5.00pm: Quddiesa kantata b’messagg dwar il-Hniena Divina fil-Knisja ta’ San Frangisk (Belt Victoria).

L-Erbgha 4 ta’ Mejju 2011: L-Ewwel Erbgha ta’ Santa Marija.

5.30pm: Quddiesa kantata bl-omelija tal-Erbghat fis-Santwarju Nazzjonali tal-Madonna ta’ Pinu fl-Gharb.

Bhalma gara fis-snin l-imghoddija, il-Kor Nativitas ser izomm l-appuntament tieghu f’dawn l-Erbghat tal-Madonna billi janima l-Quddiesa Solenni tal-5.30pm li tkun imxandra wkoll fuq Radju Marija. Il-qofol ta’ dawn l-Erbgha jintlahaq nhar il-Hadd 14 ta’ Awwissu, Lejliet is-Solennita’ tal-Assunzjoni tal-Vergni Marija bic-celebrazzjoni tal-Vgili tal-Ghid tal-Assunta. Dan is-sit elettroniku jkompli jaggornakom dwar is-servizzi tal-Kor minn gimgha ghal ohra.

Grazzi tal-interess taghkom fl-attivitaijiet li norganizzaw.